Tojikiston Turkiyaning viza tartibini joriy etish toʻgʻrisidagi qaroriga javob qaytardi. Unga koʻra, Turkiya fuqarolari 20 apreldan Tojikistonga kelish uchun viza olishlari talab etiladi.
Qozogʻiston prezidenti oiladagi zoʻravonlik uchun jinoiy javobgarlik joriy etuvchi qonunni imzoladi. Unga koʻra, endilikda salomatlikka engil shikast etkazganlar jinoiy javobgarlikka tortiladi. Bolalarga nisbatan ham qanday zoʻravonlik shakli uchun javobgarlik kuchaytirildi.
Qirgʻiziston Rossiya IIV rasmiy vakilining rus politsiyasi Moskvada qirgʻiz diplomati uyiga bostirib kirganini rad etgan bayonotiga norozilik bildirdi. Qirgʻiz tomoni politsiyachilar koʻkrak kameralari yozuvlari hamda Rossiya TIVga taqdim etilgan fotosuratlarni tezkorlik va xolislik bilan oʻrgangan holda xizmat tekshiruvi oʻtkazilishini soʻradi.
Uzbekistan Airways milliy aviakompaniyasi Nukusdan Istanbulga toʻgʻridan-toʻgʻri samolyotlar qatnovini yoʻlga qoʻyadi. Parvozlar haftada bir marta – dushanba kunlari amalga oshirilishi aytilmoqda.
Qozogʻistondagi keng koʻlamli suv toshqinlari bilan bogʻliq vaziyat tufayli 13-14 iyunʻ kunlari oʻtkazish rejalashtirilgan Ostona xalqaro forumi bekor qilindi. Tadbir 2025 yilda oʻz ishini davom ettiradi. Mamlakatning 6 ta viloyatida 6 mingga yaqin uy-joylar va dalalar suv ostida qolmoqda.
Rossiya IIVning ikki xodimi Moskvada Qirgʻiziston elchixonasi maslahatchisining uyiga eshikni buzib kirdi. Ular diplomatik pasport va kartalar taqdim etilganiga qaramasdan, migratsiya roʻyxatidan oʻtganlik haqidagi hujjatlarni taqdim etishni tajovuzkorona tarzda talab qilgan. Qirgʻiziston TIV norozilik bildirdi.
Turkiyaning Isroilga 54 turdagi mahsulotlar eksportini taqiqlagani ortidan Tel-Aviv AQShdan turk iqtisodiyotiga sarmoyalar kiritishni toʻxtatishni soʻradi. Shuningdek, “Turkiya iqtisodiyotiga zarar keltiradigan parallel choralar koʻrish”ga vaʻʻda berdi.
Turkiya 9 apreldan Isroilga Gʻazoda zudlik bilan oʻt ochishni toʻxtatmaguncha va Falastin anklaviga yordam koʻrsatishga ruxsat berilmaguncha 54 turdagi mahsulot eksportini taqiqladi.
Oʻzbekiston prezidenti Ramazon hayiti arafasida 426 nafar mahbusni afv etish toʻgʻrisidagi farmonni imzoladi. Afv etilganlarning 135 nafari asosiy jazodan toʻliq, 200 nafari shartli ozod etildi. Ular orasida 11 nafar xorijlik va 3 nafar voyaga etmagan shaxslar bor.
Ural daryosi sathi butun davr uchun rekord darajada koʻtarilishi natijasida Rossiyaning Orenburg viloyatida aholi punktlarini suv bosishda davom etmoqda. Toʻgʻonlar suv bosimiga bardosh bera olmayapti. Odamlar ommaviy evakuatsiya qilinmoqda. Qozogʻistonning shimoliy hudududlarida ham oxirgi 80 yillikdagi eng yirik suv toshqinlari kuzatilmoqda.