Qozogʻistonda Ostona xalqaro forumi suv toshqinlari tufayli bekor qilindi

Qozogʻistondagi keng koʻlamli suv toshqinlari bilan bogʻliq vaziyat tufayli 13-14 iyunʻ kunlari oʻtkazish rejalashtirilgan Ostona xalqaro forumi bekor qilindi. Tadbir 2025 yilda oʻz ishini davom ettiradi. Mamlakatning

Qozogʻiston prezidenti Qosim-Jomart Tokaev mamlakatdagi suv toshqini tufayli Ostona xalqaro forumini bekor qilishga qaror qildi. Bu haqda Qozogʻiston rahbari matbuot xizmati xabar berdi.

“Davlat rahbari Qosim-Jomart Tokaev Qozogʻistonda misli koʻrilmagan suv toshqini va keng koʻlamli vayronagarchilik oqibatlarini bartaraf etish hamda mamlakat fuqarolariga yordam koʻrsatish uchun moliyaviy resurslarni tejash zarurligi munosabati bilan joriy yilning 13-14 iyunʻ kunlari Ostona xalqaro forumini bekor qilishga qaror qildi”, - deyiladi xabarda.

Prezident tadbirga taklif etilgan ishtirokchilar ushbu qarorga tushunish bilan yondashishlariga umid bildirdi.

Xabarda qayd etilishicha, Ostona xalqaro forumi 2025 yilda oʻz ishini davom ettiradi.

Avvalroq Qozogʻiston Favqulodda vaziyatlar vazirligi mamlakatda mart oyi boshidan buyon xavfli suv toshqini zonalaridan evakuatsiya qilinganlar soni 100 mingdan oshgani, ularning qariyb 40 ming nafari bolalar ekanini maʻʻlum qilgan edi.

Evakuatsiya qilinganlarning 10,1 ming nafari uylariga qaytgan.

Aqtoʻbe, Qoʻstanay, Oqmoʻla, Atirau, Shimoliy Qozogʻiston, Sharqiy Qozogʻiston viloyatlarida qariyb 4 ming xususiy turar-joy binolari, 2 mingga yaqin hovli maydonlari va qishloq uylari suv ostida qolmoqda.

Hozirgi kunga qadar avariya-qutqaruv ishlariga 35 551 kishi, 3 557 dona texnika, 750 ta suv nasos uskunasi, 214 ta qayiq, 14 ta samolyot jalb etilgan.