Rossiya va Qozogʻistonda suv toshqinlari: vaziyat jiddiyligicha qolmoqda

Ural daryosi sathi butun davr uchun rekord darajada koʻtarilishi natijasida Rossiyaning Orenburg viloyatida aholi punktlarini suv bosishda davom etmoqda. Toʻgʻonlar suv bosimiga bardosh bera olmayapti. Odamlar ommaviy evakuatsiya qilinmoqda. Qozogʻistonning shimoliy hudududlarida ham suv toshqinlari kuzatilmoqda.

Ural daryosi sathi butun davr uchun rekord darajada koʻtarilishi natijasida Rossiyaning Orenburg viloyatida aholi punktlarini suv bosishda davom etmoqda. Toʻgʻonlar suv bosimiga bardosh bera olmayapti.

Rossiyaning 39 ta hududida 6,8 mingdan ortiq turar-joy binolari suv ostida qoldi, deb xabar berdi RF FVV matbuot xizmati. Eng qiyin vaziyat Orenburg viloyatida kuzatilmoqda.

Orenburgda Ural daryosi sathi yakshanba oqshomiga qadar toʻqqiz santimetrga koʻtarildi, deb xabar berdi shahar meriyasi Telegram-kanalida.

"Orenburg gidrometeorologiya markazi maʻʻlumotlariga koʻra, 7 aprelʻ kuni kechqurun Orenburg yaqinida Ural daryosi suv sathi 864 sm ga etgan. Xavfli daraja 930 sm ni tashkil etadi", - deya ogohlantirmoqda shahar meriyasi.

RF FVV Orenburg viloyati boshqarmasi rahbari Aleksandr Kurenkov Orskdagi vaziyatni «jiddiy» deb atadi.

“Ural daryosidagi himoya inshootlari vayron boʻlgan, Orsk shahrida keskin vaziyat yuzaga keldi. Oqibatda 4518 ta turar-joy binosi va 4587 ta tomorqa erlari suv ostida qoldi”, — deya uning soʻzlaridan iqtibos keltiradi «Interfaks».

Yakshanba kuni kechqurun shahar meri Vasiliy Kozupitsa Telegram-kanali orqali Orskda Elshanka daryosi ham oʻz qirgʻoqlaridan toshib keta boshlagani haqida xabar berdi.

Maʻʻlumotlarga koʻra, viloyatdagi suv bosgan hududlardan 4 mingdan ortiq odam, jumladan, 885 nafar bola evakuatsiya qilingan.

Qozogʻiston shimolida ham vaziyat jiddiy

Qozogʻistonning olti viloyatidagi 3,7 mingdan ortiq turar-joy binolari ham toshqin oqibatida suv ostida qoldi. Tabiat hodisasidan Shimoliy Qozogʻiston, Atirau, Aqtoʻbe, Aqmola, Qoʻstanay va Pavlodar viloyatlari jabr koʻrdi. Bu haqda Favqulodda vaziyatlar vazirligiga tayanib, 24.kz xabar berdi.

Qutqaruvchilar, harbiy xizmatchilar va mahalliy hokimiyat vakillari toʻgʻonlarni mustahkamlash hamda odalarni evakuatsiya qilishni tashkil etish boʻyicha faol ishlamoqda.

Mamlakatda toshqin boshlanganidan beri 75 ming kishi qutqarildi, ulardan 7,5 ming nafari vaqtinchalik boshpanalarga joylashtirildi.

Qor va muzlar erishi natijasida vujudga kelgan suvning umumiy hajmi 7,5 million kub metrdan oshdi.

Mavzuga aloqador

Eng ko‘p o‘qilgan

Tavsiya qilingan

Reklama