Nukusdan Istanbulga samolyotlar qatnovi yoʻlga qoʻyiladi

Uzbekistan Airways milliy aviakompaniyasi Nukusdan Istanbulga toʻgʻridan-toʻgʻri samolyotlar qatnovini yoʻlga qoʻyadi. Parvozlar haftada bir marta – dushanba kunlari amalga oshirilishi aytilmoqda.

Uzbekistan Airways milliy aviakompaniyasi Nukus – Istanbul yoʻnalishi boʻyicha toʻgʻridan-toʻgʻri parvozlarni yoʻlga qoʻyadi. Bu haqda Turizm qoʻmitasi matbuot xizmati xabar berdi.

Nukus – Istanbul – Nukus yangi yoʻnalishi boʻyicha toʻgʻridan-toʻgʻri parvozlar xalqaro aeroportdan Airbus A320 Neo samolyotlarida haftada bir marta – dushanba kunlari amalga oshiriladi.

“Qoraqalpogʻiston Respublikasiga sayyohlar oqimini koʻpaytirish va ularga sifatli xizmat koʻrsatish uchun qulay shart-sharoitlar yaratish maqsadida Uzbekistan Airways milliy aviakompaniyasining Nukus-Istanbul-Nukus yoʻnalishi boʻyicha toʻgʻridan-toʻgʻri reyslari ochilmoqda, — deyiladi xabarda.

Qoʻmita xabariga koʻra, birinchi reys 17 iyunga moʻljallangan.