Turkiya parlamenti spikeri Nurlan Kurtulmush Islom hamkorlik tashkiloti parlamentlar ittifoqining Livan va Gʻazo sektoridagi urushlarga bagʻishlangan yigʻilishida ummatni “insoniyat uchun muhim davrda” birlashishga chaqirdi. “Isroilning kuchi armiyasida ham, jahon moliya bozori va matbuotdagi hukmronligida ham, hatto homiylarida ham emas. Isroilning qudrati – islom dunyosini boʻlib tashlashdadir”, – dedi u.
Toshkentda “Islom – ezgulik va tinchlik dini” mavzusidagi nufuzli xalqaro anjuman boshlandi. Anjumanda dunyoning 22 mamlakatidan 70 nafardan ortiq nufuzli xalqaro tashkilotlar rahbarlari, din arboblari, muftiylar va taniqli ulamolar, xususan, zamonamizning mujtahid olimlaridan shayx Muhammad Taqiy Usmoniy, shayx Muhammad Avvoma, Nazir Muhammad Ayyod, Arshad Madaniy ishtirok etmoqda.
2020 yil 10 noyabrda Ikkinchi Qorabogʻ urushi tugaganidan beri 70 nafar Ozarbayjon fuqarosi armanlar tomonidan yashirilgan minalar portlashi qurboni boʻldi, 311 kishi jarohat oldi. Ozarbayjon Tashqi ishlar vazirligi xalqaro hamjamiyatni Armanistonning Ozarbayjonga qarshi “mina terroriga” koʻz yummaslikka chaqirdi.
2023 yilda Evroparlament Turkiya oʻz yoʻnalishini oʻzgartirmagunicha ittifoqqa aʻʻzo boʻla olmasligi haqida bir qarorga keldi. Mazkur qarordan gʻazablangan Erdoʻgʻon “40 yildan beri EI darvozasi oldida “sargʻaygan” Turkiya ittifoqdan endi hech narsa kutmasligi”ni maʻʻlum qildi. Ayni paytda Anqara BRIKSga nomzod boʻlgan birinchi NATO ittifoqchisiga aylandi va blok oktyabrʻ oyida Rossiyada boʻlib oʻtadigan sammitda ushbu talabni koʻrib chiqadi.
Turkiyalik Daron Ajemoʻgʻli, amerikalik Saymon va britaniyalik Jeyms Robenson "Institutlarning shakllanishi va ularning farovonlikka taʻʻsiri haqidagi tadqiqotlari uchun" iqtisodiyot yoʻnalishida 2024 yilgi Nobel mukofotini qoʻlga kiritdi.
Oʻzbekistonda oʻzini hayvonlarga oʻxshatib, ularning xatti-harakatlariga taqlid qiluvchi kvadroberlarga qarshi kurash boshlandi. IIV bunday qiliqlarni qilgan bolalarning ota-onalari javobgarlikka tortilishidan ogohlantirdi. Ijtimoiy tarmoqlarda ushbu submadaniyat ishqibozlari Oʻzbekistonda ham paydo boʻlgani haqidagi xabarlar tarqaldi.
Oʻzbekiston hukumati “Umra” faoliyatini tashkil etish va oʻtkazish boʻyicha talablarni kuchaytarishga qaratilgan qarorni qabul qildi. Unga koʻra, ushbu faoliyatni olib boruvchi tadbirkorlarga voyaga etmagan fuqarolarga xizmat koʻrsatmaslik, 1 mln AQSh dollari miqdordagi mablagʻni “Ziyorat” jamgʻarmasiga zaxira qilib qoʻyish hamda oʻz faoliyatini turoperator va turagentlar orqali amalga oshirmaslik kabi talablar qoʻyildi.
Janubiy Koreyaning Hyundai Rotem kompaniyasi Oʻzbekistonda elektropoezdlar ishlab chiqarishni rejalashtirmoqda. Transport vazirligida bu borada muzokaralar boʻlib oʻtdi. Avvalroq Koreya kompaniyasi bilan «Toshkent-Xiva» tezyurar yoʻnalishi boʻyicha oltita poezd etkazib berish boʻyicha shartnoma tuzilgan edi.
Oʻzbekiston prezidentining BMT Bosh assambleyasida bergan vaʻʻdasiga muvofiq, 15-16 oktyabrʻ kunlari Toshkent va Xiva shaharlarida “Islom – tinchlik va ezgulik dini” mavzusida xalqaro anjuman oʻtkaziladi. Unda dunyoning 22 mamlakatidan 70 dan ortiq nufuzli xalqaro tashkilot rahbarlari, din arboblari, muftiylar va taniqli ulamolar ishtirok etishi kutilmoqda.
Turkmaniston poytaxti Ashxobot shahrida Markaziy Osiyo davlatlari, Rossiya, Eron, Pokiston, Moʻgʻuliston, Armaniston prezidentlari ishtirokida turkman shoiri va mutafakkiri Maxtumquli Firogʻiy tavalludining 300 yilligiga bagʻishlangan "Zamon va tsivilizatsiyalarning oʻzaro bogʻliqligi - tinchlik va taraqqiyot asosi" mavzusida xalqaro forum boʻlib oʻtdi. Unda, jumladan, Oʻzbekiston prezidenti nutq soʻzladi.