Ozarbayjonda arman minalari portlashidan jabrlanganlar 381 nafarga etdi

2020 yil 10 noyabrda Ikkinchi Qorabogʻ urushi tugaganidan beri 70 nafar Ozarbayjon fuqarosi armanlar tomonidan yashirilgan minalar portlashi qurboni boʻldi, 311 kishi jarohat oldi. Ozarbayjon Tashqi ishlar vazirligi xalqaro hamjamiyatni Armanistonning Ozarbayjonga qarshi “mina terroriga” koʻz yummaslikka chaqirdi.

Ozarbayjon Ichki ishlar vazirligi va Minasizlantirish agentligi (ANAMA) qoʻshma bayonotida aytilishicha, Armaniston chegarasidagi Gazax tumanida yana bir mahalliy fuqaro mina portlashi natijasida tan jarohati olgan.

Tashqi ishlar vazirligi Ikkinchi Qorabogʻ urushi tugaganidan beri 381 Ozarbayjon fuqarosi minalardan jabr koʻrganini maʻʻlum qildi.

“Xalqaro hamjamiyat Armanistonning Ozarbayjonga qarshi davom etayotgan mina terroriga koʻz yummasligi kerak”, — deyiladi TIV bayonotida.

Arman istilosidan ozod qilingan Qorabogʻ mintaqasi va uning atrofidagi hududlarga arman armiyasi tomonidan yuz minglab minalar koʻmilgani taxmin qilinmoqda. Biroq Armaniston tomoni minalashtirilgan hududlarning toʻliq xaritasini topshirishdan bosh tortib kelmoqda.

Oʻtgan hafta davomida (07.10.2024 - 13.10.2024) arman istilosidan ozod qilingan hududlarda 141 ta piyodalarga va 64 ta tankga qarshi mina, 625 ta portlamay qolgan oʻq-dorilar topildi. 1198,7 gektar hudud mina va portlamay qolgan oʻq-dorilardan tozalandi.

Shu bilan birga, 2020 yil 10 noyabrda Ikkinchi Qorabogʻ urushi tugaganidan beri 70 nafar Ozarbayjon fuqarosi mina portlashi qurboni boʻldi, 311 kishi jarohat oldi.