Turkmanistonda Maxtumquli Firogʻiy tavalludining 300 yilligiga bagʻishlangan xalqaro forum boʻlib oʻtdi

Turkmaniston poytaxti Ashxobot shahrida Markaziy Osiyo davlatlari, Rossiya, Eron, Pokiston, Moʻgʻuliston, Armaniston prezidentlari ishtirokida turkman shoiri va mutafakkiri Maxtumquli Firogʻiy tavalludining 300 yilligiga bagʻishlangan "Zamon va tsivilizatsiyalarning oʻzaro bogʻliqligi - tinchlik va taraqqiyot asosi" mavzusida xalqaro forum boʻlib oʻtdi. Unda, jumladan, Oʻzbekiston prezidenti nutq soʻzladi.

Oʻzbekiston prezidenti Shavkat Mirziyoev 11 oktyabrʻ kuni Ashxobod shahrida turkman shoiri va mutafakkiri Maxtumquli Firogʻiy tavalludining 300 yilligiga bagʻishlangan "Zamon va tsivilizatsiyalarning oʻzaro bogʻliqligi - tinchlik va taraqqiyot asosi" mavzusidagi xalqaro forumda ishtirok etdi, deya xabar qildi davlat rahbari matbuot xizmati.

Turkmaniston prezidenti Serdar Berdimuhamedov raisligida oʻtgan tadbirda Rossiya prezidenti Vladimir Putin, Qozogʻiston prezidenti Qasim-Jomart Toqaev, Qirgʻiz Respublikasi prezidenti Sadir Japarov, Tojikiston prezidenti Emomali Rahmon, Eron prezidenti Masʻʻud Pezeshkiyon, Pokiston prezidenti Osif Ali Zardariy, Moʻgʻuliston prezidenti Uxnaagiyn Xurelsux, Armaniston prezidenti Vaagn Xachaturyan, xorijiy davlatlar parlamentlari rahbarlari va yuqori martabali vakillari, xalqaro va mintaqaviy tashkilotlar boshliqlari ishtirok etdi.

Oʻzbekiston prezidenti Shavkat Mirziyoev oʻz nutqida forumning oʻtkazilishi xalqlar oʻrtasidagi birodarlik va hamjihatlik rishtalarini mustahkamlash, mamlakatlarni bir-biriga yanada yaqinlashtirish, boy maʻʻnaviy merosimizni butun dunyoga targʻib qilish yoʻlida ulkan amaliy qadam boʻlishini  taʻʻkidladi.

Maxtumquli Firogʻiyning ijodiy merosi nafaqat Sharq mumtoz sheʻʻriyatini, balki jahon adabiyotini ham boyitganligi qayd etildi.

Oʻzbekistonda Maxtumquli ijodi yuksak qadrlanadi. Shoir Xiva shahridagi Shergʻozixon madrasasida tahsil olib, dunyoviy va diniy ilmlarni oʻrgangan. U buyuk oʻzbek shoiri va mutafakkiri Alisher Navoiyni chuqur hurmat qilgan.

Joriy yilda Oʻzbekistonda Maxtumquli Firogʻiy tavalludining 300 yilligi keng nishonlanayotgani taʻʻkidlandi.  Anjuman, seminar, adabiy kecha, tanlov, spektakllar va boshqa tadbirlar oʻtkazilmoqda. Oʻzbek va turkman kinoijodkorlari tomonidan shoir haqida hamkorlikda badiiy filʻm suratga olindi.

Oʻzbekiston etakchisi Turkmaniston tashabbusi bilan BMT Bosh Assambleyasi tomonidan eʻʻlon qilingan "Xalqaro tinchlik va ishonch yili" doirasida kelgusi yili Ashxobod shahrida global sammit oʻtkazilishini qoʻllab-quvvatladi.

Turkmaniston prezidenti Serdar Berdimuhamedov Oʻzbekiston prezidentiga mazmunli nutq hamda Maxtumquli Firogʻiy xotirasini abadiylashtirish borasida Oʻzbekistonda amalga oshirilayotgan chora-tadbirlar uchun minnatdorlik bildirib, davlat rahbari turkman shoiri va mutafakkiri tavalludining 300 yilligi munosabati bilan medalʻ bilan mukofotlanishini maʻʻlum qildi.

Tadbir nihoyasida forumning yakuniy hujjati qabul qilindi.

Mavzuga aloqador

Eng ko‘p o‘qilgan

Tavsiya qilingan