Turkiya bugun Parijda boshlanadigan Evropaning eng yirik mudofaa sanoati koʻrgazmalaridan biri – Eurosatory'da birinchi marta oʻzining haydovchisiz harakatlanadigan zirhli transport vositasi – ALPAR'ni namoyish etadi. Uning maksimal ogʻirligi 15 tonna boʻlib, gibrid elektr quvvati tufayli harbiy mashina shovqinsiz harakatlanish imkoniyatiga ega. Avtonom transport vositasi dushman yoki terrorchi pozitsiyalariga qarata oʻt ochishi, dushman texnikalari yoki obʻʻektlarini asosiy qurollar yoki boshqariladigan raketalar yordamida yoʻq qilishi mumkin.
Bugun, Qurbon hayiti munosabati bilan Turkiyaning din ishlari boʻyicha boshqarmasi va diniy jamgʻarmasi (TDJ) ishtirokida 1500 bosh chorva mollari qurbonlik qilindi. Maʻʻlumot uchun, bir yildan buyon fuqarolik urushidan aziyat chekayotgan 50 million aholiga ega Sudanda 15 ming tinch aholi qurbon boʻldi, 25 million kishi ochlikdan aziyat chekmoqda va 11 million kishi oʻz uylarini tark etgan. Ukrainadagi urush haqida jar solayotgan xalqaro hamjamiyat Sudandagi mavjud holatga koʻz yummoqda.
Prezident Shavkat Mirziyoev Qurbon hayiti munosabati bilan Oʻzbekiston xalqiga tabrik yoʻlladi. U shu kunlarda Haj ziyorati safarida boʻlgan 15 ming nafar oʻzbekistonlikni ham tilga olib, ziyoratchilarning haj ibodatlarini toʻliq ado etib, vatanga sogʻ-omon qaytib kelishlarini tilagan.
Oʻzbekiston prezidenti Shavkat Mirziyoev va Janubiy Koreya prezidenti Yun Sok Yolʻ Alohida strategik sheriklikni yanada chuqurlashtirish va har tomonlama kengaytirish toʻgʻrisidagi qoʻshma bayonotni imzoladi. Mamlakatlar oʻrtasida jami 17 ta hujjat imzolandi.
Guruhda 9 kishi boʻlgan va ulardan 8 nafari 2023 yilda fosh etilgan. Ular maxfiy hukumat maʻʻlumotlarini qoʻlga kiritish, shuningdek, siyosiy-harbiy josuslikda ayblanyapti. Tarmoq rahbari sugʻurta kompaniyasi egasi Ahmed Ersin Tumlujali boʻlib, tergov paytida u “josuslik faoliyati” uchun 300 ming evrogacha haq olishini maʻʻlum qilgan.
Фаластиннинг ҲАМАС қаршилик ҳаракати таклиф қилинган оташкесим ва гаровга олинганларни озод қилиш бўйича келишув шартларига ўзгартириш киритди. Унга кўра, ҳаракат БМТ ҳамда Хитой, Россия ва Туркиянинг сионистлар билан эришилган ҳар қандай келишувда кафил бўлишини истайди. Ушбу талаблар АҚШ ва Исроил томонидан рад этилган.
Bayden maʻʻmuriyati dengiz mahsulotlari, alyuminiy va poyabzal ishlab chiqaruvchi uchta Xitoy kompaniyasi bilan savdo qilishni taqiqladi. AQSh Moliya vazirligi ushbu firmalarni Shinjon-Uygʻur avtonom rayonida yashovchi turkiy aholini majburan ishlatayotganlikda ayblagan.
Qozogʻiston Oliy sudi “Jibek Joli” xayriya tashkilotiga qarashli 26 ta pansionatni yopish toʻgʻrisida qaror qabul qildi. Ushbu pansionatlarda noqonuniy tarzda diniy fanlar oʻqitilgan hamda xayriya tashkilotining turk soʻfiy jamoati – "Sulaymonji" bilan aloqasi borligi aytilmoqda.
Qurbon hayiti munosabati bilan 16 iyunʻ kuni Toshkentdagi metro va avtobuslar soat 03:00 dan ish boshlaydi va soat 10:00 gacha yoʻlovchilarga bepul xizmat koʻrsatadi.
16 iyunʻ kuni Toshkentdagi 121 ta masjidda Qurbon hayiti namozi oʻqiladi. Soat 00:00 dan 7:00 gacha ayrim koʻcha va yoʻllarda avtotransport vositalarining harakati toʻliq cheklanadi.