Moskva va Anqara munosabatlari yana yangi inqiroz yoqasida turibdi: buning belgisi sifatida Rossiya etakchisi Vladimir Putinning Turkiyaga va shaxsan prezident Rajab Toyyib Erdoʻgʻon "manzili"ga qarata aytgan achchiq gaplarini keltirish mumkin. Iyunʻ oyida Putin Sankt-Peterburg xalqaro iqtisodiy forumi doirasida Anqarani Kievga harbiy yordam bergani uchun qoraladi va Erdoʻgʻon boshchiligidagi hukumat Gʻarb moliya institutlari bilan koʻproq "osh-qatiq" boʻlayotganidan noroziligini ifodaladi.
Rasmiy Anqaraning Telʻ-Aviv bilan toʻgʻridan-toʻgʻri savdo aloqalarni toʻxtatish qaroriga qaramay, turk kompaniyalari Gretsiya kabi uchinchi davlatlar orqali Isroil bilan savdo qilishda davom etyapti. Maʻʻlumotlarga koʻra, may oyida Turkiyaning Gretsiyaga eksporti oʻtgan yilga nisbatan 71 foizga oshib, 375 million dollarga etgan.
23-26 iyunʻ kunlari Oʻzbekiston prezidenti Shavkat Mirziyoev taklifiga binoan Moʻgʻuliston prezidenti Uxnaagiyn Xurelsux davlat tashrifi bilan mamlakatda boʻladi. Oliy martabali mehmon tashrifining dasturiga muvofiq, Toshkent shahrida oliy darajadagi muzokaralar oʻtkazilishi koʻzda tutilgan.
Yaponiya Rossiyaga qarshi jazo choralari doirasida Oʻzbekiston, Xitoy, Hindiston, Qozogʻiston va BAA kompaniyalarini qora roʻyxatga kiritdi. Sanktsiya roʻyxatiga Oʻzbekistondan elektron va telekommunikatsion uskunalar va ularning ehtiyot qismlari ulgurji savdosi bilan shugʻullanuvchi Mvizion kompaniyasi ham oʻrin oldi.
Koʻplab eʻʻtirozlarga qaramay, Jizzaxdagi Tuzkon koʻli yaqinida Rossiya loyihasi asosida atom elektr stantsiyasi (AES) qurilishi boshlandi. Loyiha Oʻzbekiston va Rossiya tomonidan 2017 yildan beri muhokama qilinadi. Nihoyat 2019 yilda Tuzkon koʻli yaqinidagi maydoncha tanlangan. Bu erda katta AESdan tashqari, umumiy quvvati 330 MVt boʻlgan kichik modulli reaktorlar qurish ham rejalashtirilgan. Rosatom loyihaning bosh pudratchisi boʻlib, unga Oʻzbekiston kompaniyalari yordam beradi.
Oʻzbekistonlik hojilar 22 iyunʻ-12 iyulʻ kunlari mamlakatga qaytadi. Jiddadan 10 ta hudud – Toshkent, Namangan, Fargʻona, Buxoro, Samarqand, Qarshi, Termiz, Navoiy, Nukus va Urganch shaharlariga toʻgʻridan-toʻgʻri “Uzbekistan Airways” aviqatnovlari yoʻlga qoʻyiladi.
Xitoy uygʻurlar va boshqa turkiy xalqlar istiqomat qiladigan aholi punktlari nomlarini hukumat tashviqotini aks ettiruvchi nomlarga oʻzgartirmoqda. Huquq himoyachilariga koʻra, shu vaqtga qadar turkiy yoki islomga aloqador boʻlgan 630 ta qishloq nomi oʻzgartirilgan.
Qozogʻiston TIV vakili Oybek Smadiyarovning maʻʻlum qilishicha, qoʻshni davlat xalqaro tadbirlar jadvali tigʻizligi sabab Shveytsariyada boʻlib oʻtgan tinchlik sammitida ishtirok etolmagan. U rasmiy Ostonaning yakuniy deklaratsiyaga qoʻshilish imkoniyatlari haqidagi savolga javob bera turib, "sammitda ishtirok etmagani uchun, bu borada hech nima deya olmasligi"ni qoʻshimcha qilgan. Maʻʻlumot uchun, Shveytsariyaning Byurgenstok shahrida boʻlib oʻtgan sammitda 90 dan ortiq davlat va toʻrtta tashkilot vakillari ishtirok etdi. Kommyunikeni 92 davlatdan 80 tasi imzoladi. Sammitda Xitoy va Rossiya vakillari ham qatnashmadi.
Rossiya Qozogʻistonda rus maktablarini qurish boʻyicha kelishuvga erishdi. RF Davlat dumasi raisining birinchi oʻrinbosari Aleksandr Jukovga koʻra, mamlakatda uchta maktab qurilishi boʻyicha loyiha tasdiqlangan. Maʻʻlumot uchun, joriy yilning fevralida Rossiya prezidenti Vladimir Putin Federal Majlisga qilgan murojaatida xorijda rus tilini targʻib qilishni kuchaytirishni buyurgandi.
Germaniya hukumati qochqin maqomini olish huquqiga ega boʻlmagan afgʻonlarni Tolibon bilan toʻgʻridan toʻgʻri kelishuvlarsiz ortga qaytarmoqchi. "Spiegel" jurnalining yozishicha, afgʻonlar Toshkentdan Kam Air xususiy aviakompaniyasi orqali Kobulga etkazilishi mumkin. Maʻʻlumot uchun, Germaniyada boshpana olish huquqiga ega boʻlmagan muhojirlarni chiqarib yuborish masalasi afgʻon fuqarosi Mangeymda Islomni tanqid qiluvchi tashkilot mitingiga hujum qilganidan keyin yana kun tartibiga qaytgan edi.