HAMASning Gʻarbiy Sohildagi etakchisi Mustafo Muhammad Abu Ara Isroil qamoqxonasida vafot etdi. 63 yoshli Abu Araning “qasddan tibbiy eʻʻtiborsizlik tufayli” olamdan oʻtgani aytilmoqda.

Oʻtgan yili Yaponiyada rekord darajadagi 730 ming chaqaloq tugʻilgan boʻlsa, oʻsha davrda oʻlimlar soni 1,58 millionni tashkil etib, rekord yangilandi. Mamlakatdagi xorijliklar soni ham birinchi marta 3 milliondan oshib, umumiy aholining qariyb 3 foizini tashkil qildi. Soʻrovlar yosh yaponiyaliklar turmush qurish yoki farzand koʻrishni tobora koʻproq istamayotganini koʻrsatmoqda.

Isroil 15 iyuldan buyon Livan janubiga 5736 marotaba hujum uyushtirib, 540 ga yaqin kishining oʻlimiga sababchi boʻldi. 1850 kishi jarohatlangan. Shuningdek, 1800 gektardan ziyod maydon yongan, 28 mingga yaqin oila xavfsiz hududlarga koʻchirilgan. Isroil tomonida ham yoʻqotishlar mavjud. Xususan, mamlakat shimolidagi 43 ta aholi punkti evakuatsiya qilingan, 1500 dan ortiq bino, transport vositalari va infratuzilmaga zarar etgan.

Isroil bosh vaziri Benʻyamin Netanyaxu AQSh Kongressidagi nutqida prezident Baydenga Isroil davlatini kuchli qoʻllab-quvvatlagani uchun minnatdorchilik bildirdi. Shuningdek, Rafahda Isroil armiyasi tomonidan “birorta ham begunoh falastinlik oʻldirilmaganini” maʻʻlum qildi - asosiy iqtiboslar.

Isroil Gʻazo sektorida bosqinchilik va qirgʻinbarot urushini boshlaganiga 293 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

Kanadaning Kalgari shahridagi musulmonlar jamoasi yirik islom markazini qurishni boshladi va mahalliy aholini ushbu markaz kelajakda qanday faoliyat koʻrsatishi bilan tanishtirish maqsadida “barbekyu piknik” tashkil etdi. Jamoa er uchastkasini 15 yil muqaddam sotib olgan, biroq loyihalashtirish va tasdiqlash jarayonlarida koʻplab qiyinchiliklarga duch keldi. Qiymati 12 million dollarlik markaz qurilishini 2027 yilgacha yakunlash rejalashtirilgan.

Hindistonning IndiGo aviakompaniyasi ayol yoʻlovchilar parvoz vaqtida oʻzlarini qulay his qilishlari uchun dunyoda birinchi boʻlib oʻrindiqlarni erkak yoʻlovchilardan alohida tanlash imkoniyatini taqdim etdi. Endilikda, onlayn roʻyxatdan oʻtish vaqtida sayohatchilar yonida oʻtirgan yoʻlovchilarning jinsini koʻrishlari va agar xohlasalar, boshqa ayollar yonidagi oʻrindiqlarni tanlashlari mumkin boʻladi.

Parijdagi Olimpiada ochilishida mamlakat bayrogʻini koʻtarish ishonib topshirilgan isroillik dzyudochi Piter Palchik Gʻazoga tashlash uchun moʻljallangan bombalarga imzo chekdi. "Bu siz uchun mening mamnuniyatimdir", deb yozdi kelib chiqishi qrimlik boʻlgan Palchik ijtimoiy tarmoqqa joylashtirgan Isroil bombalari bilan tushgan surati ostiga.

Tatariston poytaxti Qozon shahrida BRIKSga aʻʻzo mamlakatlar, shuningdek, arab-musulmon dunyosi – MDH, Osiyo va Afrikaning 20 davlatidan kelgan qorilar ishtirokida Qurʻʻoni karim tilovati boʻyicha musobaqa boshlandi. Gʻolib 7000 AQSh dollari miqdoridagi pul mukofotiga ega boʻladi.

Frantsiya hech qachon sportda ochiq kiyishni taqiqlamaydi, lekin Olimpiada oʻyinlarida ayollarning yopiqroq kiyim kiyishini bemalol taqiqlamoqda. Bu madaniy va diniy qadriyatlarga asoslangan yaqqol jinsiy kamsitishdir.