Qozon shahrida BRIKSga aʻʻzo mamlakatlar qorilari musobaqasi boshlandi

Tatariston poytaxti Qozon shahrida BRIKSga aʻʻzo mamlakatlar, shuningdek, arab-musulmon dunyosi – MDH, Osiyo va Afrikaning 20 davlatidan kelgan qorilar ishtirokida Qurʻʻoni karim tilovati boʻyicha musobaqa boshlandi. Gʻolib 7000 AQSh dollari miqdoridagi pul mukofotiga ega boʻladi.

Bugun Qozon shahrida BRIKSga aʻʻzo davlatlar oʻrtasida Qurʻʻoni karim tilovati boʻyicha musobaqa boshlandi, deya xabar bermoqda Islam News.

“Tatariston poytaxti Qozon shahrida ilk bor yirik xalqaro diniy musobaqa – BRIKS mamlakatlari Qurʻʻoni karim mukofoti boshlanmoqda va eng yaxshi qoriga sovrin topshiriladi. Tanlovda BRIKS mamlakatlari hamda arab-musulmon dunyosi – MDH, Osiyo va Afrikaning 20 davlatidan eng yaxshi qorilar ishtirok etmoqda”, — deya muftiy Rushan Abbyasov soʻzlarini keltiradi “Rossiyskaya gazeta”.

Muqaddas Kalomni mohirona tilovat qilgan qori mukofotlanadi. Qorilarning tilovatlarini Sharjadagi Qurʻʻoni karim akademiyasi rahbari Xalifa Mesbah at-Tuneyjiy boshchiligidagi Rossiya, BAA, Misr, Bangladesh va Erondan kelgan hakamlar hayʻʻati baholaydi.

Tadbirda Allohning kalomi tilovat qilinishidan tashqari, mehmonlarga Qurʻʻonning maʻʻnaviy-axloqiy qadriyatlari va maʻʻnolarini asrab-avaylash haqida hikoya qiluvchi teatrlashtirilgan tomosha namoyish etiladi. Musobaqa 26 iyulʻ kuni yakunlanadi.

Gʻolib 7000 AQSh dollari miqdoridagi pul mukofotiga ega boʻladi. Ikkinchi va uchinchi oʻrin egalari mos ravishda 5000 va 3000 dollar oladi.