БМТ Хавфсизлик Кенгаши ҳусийларнинг Қизил денгиздаги ҳужумларини зудлик билан тўхтатишни талаб қилувчи резолюция лойиҳасини қабул қилди.

АҚШ ва Буюк Британия жанговар самолётлар ва “Томагавк” ракеталари ёрдамида Ямандаги “ Ансоруллоҳ” (ҳусийлар) ҳаракатининг камида 60 нишонига зарба берди. Ўз навбатида, ҳусийлар душман кема ва ҳарбий иншоотларига жавоб зарбалари берганини маълум қилди. Қурбонлар ва вайронагарчиликлар ҳақида ҳозирча маълумот йўқ.

АҚШ президенти Жо Байденнинг Ямандаги ҳусийлар ҳарбий объектларини нишонга олишга рухсат бергани Демократик партия аъзоларининг танқидларига сабаб бўлди. У “Конгресс розилигисиз Яманга ҳаво ҳужумлари уюштириш” орқали АҚШ Конституциясининг 1-моддасини бузганликда айбланмоқда.

Ҳусийлар Қизил денгизда Мальта байроғи остида Вьетнамдан Исроилга йўл олган юнон юк кемасига ҳужум уюштирилгани ҳақидаги маълумотни тасдиқлади.

Ҳусийлар Адан кўрфазидаги АҚШга тегишли Kim Ranger кемасига қанотли ракеталар ёрдамида “юқори аниқлик” билан ҳужум уюштирилганини маълум қилди. Ўз навбатида, АҚШ Денгиз кучлари Яманнинг ҳусийлар назорати остидаги ҳудудида учиришга тайёр турган иккита кемага қарши ракетасини йўқ қилганини билдирди.

Америка ҳарбийлари Адан кўрфазида сирли шароитда ҳалок бўлган ҳарбий денгиз кучлари аскарлари ўлим тафсилотларини аниқлашга ҳаракат қилмоқда. Улар Эрондан қурол ташилаётгани тахмин қилинган кемани текширишга юборилган эди.

Яманнинг «Ансоруллоҳ» ҳаракати (ҳусийлар) Адан кўрфазида Британия нефть танкерига ҳужум уюштирилганини маълум қилди. Тармоқларда аланга ичида қолган кема тасвирлари тарқалди.

Дунёнинг йирик логистика компаниялари Қизил денгиздаги юк ташиш хавфсизлиги билан боғлиқ вазият АҚШ ҳусийларга қарши ҳарбий амалиётлар бошлаганидан кейин фақат ёмонлашганини таъкидламоқда.

Ҳусийларнинг Қизил денгизда Исроилга алоқадор кемаларга ҳужумлари ортидан инглизБритания кемалари Африкани айланиб ўтишга мажбур бўлаётган сабабли Британияда чой танқислиги кузатилмоқда. Бу танқислик бир неча ой давом этиши мумкин.

Ҳусийлар вакили Яман, Россия, Хитой ва БРИКС мамлакатлари ўртасида доимий ҳамкорлик ва алоқалар ривожланиб бораётгани, турли соҳаларда билим ва тажриба алмашилаётганини маълум қилди. “Бу АҚШ, Британия ва Ғарбни Қизил денгиз ботқоғига ботириш, уларни заифлаштириш ва бир қутблиликни сақлай олмасликлари учун зарур”, - деди у.