Устоз Мубашшир Аҳмадга қўйилаётган айбловлар юзасидан расмий баёнот.

Ўзбекистоннинг Туркиядаги элчихонаси ва Бош консулхонаси томонидан Мубашшир Аҳмадга нисбатан тегишли консуллик-ҳуқуқий ёрдам кўрсатилаётгани маълум қилинди.

Таниқли диний уламо, Azon Global ахборот-таҳлил портали ва қатор лойиҳалар асосчиси устоз Мубашшир Аҳмад мусулмонларнинг Umma Life ижтимоий тармоғи фойдаси учун бошқа ижтимоий тармоқлардан воз кечишини маълум қилди. Устознинг Facebook, X, Telegram ва Instagram`даги саҳифалари админи томонидан юритилади.

Azon Global таҳририяти бош идорасида Umma Life ижтимоий тармоғи асосчилари билан учрашув бўлиб ўтди. Устозимиз Мубашшир Аҳмад лойиҳа раҳбари Исо Доғистоний билан суҳбат давомида мусулмонлар учун ягона бўлиб турган ижтимоий тармоқни ривожлантириш бўйича мулоҳазаларини билдирдилар, шунингдек, ўзбек фойдаланувчиларининг таклифларини етказдилар. Жумладан, тармоқнинг мусиқа билан боғлиқ талаблари бўйича умумий ечим таклиф қилинди.

Идеал бошқарув қандай бўлиши керак? Исломда непотизмга (қариндош-уруғларни лавозимларга тайинлаш) қандай қаралади? Устоз Мубашшир Аҳмад бу масалалардаги мулоҳазалари билан ўртоқлашдилар.

“VERUM LAW FIRM” адвокатлик фирмаси “Azon” лойиҳалари ва “Azon Global”ахборт-таҳлилий портали асосчиси, Туркиядаги Ўрта Осиё халқлари “Азон” вақфи Васийлар кенгаши раиси Устоз Мубашшир Аҳмад (Алишер Турсунов) ҳақида ижтимоий тармоқлардаги ўта оғир жиноятларда айбланиб, қидирувга берилгани ҳақидаги хабарлар юзасидан баёнот берди.

Устоз ҳақида бу каби асоссиз хабарлар тарқатилишига сабаб бўлган ИИВ матбуот котиби Шоҳрух Ғиёсовнинг айтишича, Мубашшир Аҳмад Жиноят кодексининг 244-2-моддада назарда тутилган жиноятда гумонланмаётгани, ахборот тарқатишда техник хатоликка йўл қўйилган.

Ислом душманлари ва атеистларнинг ижтимоий тармоқлардаги каналларида бирваракайига, худди кимдир топшириқ берганидек, «Мубашшир Аҳмадга нисбатан қидирув эълон қилингани» ҳақидаги постлар жойланди. Ушбу хабарларда Мубашшир Аҳмаднинг қўпоровчилик, террорчилик, диний экстремизм ва фирибгарлик каби жиноятларни содир этгани қайд этилган. «Дилнур Камилов», «Муҳаббат Назар», «Дайди ўқ», «Муфаса», «Ҳақиқат қиличи», «Тафаккур қилинг», «Асанов», «Абу Муслим» ва бошқалар Мубашшир Аҳмадни обрўсизлантиришга қаратилган ушбу хабарларни бирин-кетин овоза қила бошлашди. Баъзи ёлғончилар Мубашшир Аҳмадга туҳмат қилгани етмаганидай, бошқаларни қўрқитиб, «ушбу шахсни ижтимоий тармоқлар орқали кузатаётган ва унинг постларини қўллаб-қувватлаётган шахсларнинг ҳам алоҳида руйхати шакллантирилаётгани»ни қўшимча қилди.

Олдинроқ ИИВ матбуот котиби Шоҳрух Ғиёсов техник хато сабабли Мубашшир Аҳмад (Алишер Турсунов)нинг оғир жиноятларда айбланаётгани ҳақида нотўғри ахборотлар тарқатилганини тан олган эди. Устоз Мубашшир Аҳмаднинг ҳуқуқларини ҳимоя қилаётган "Verum law firm" адвокатлик фирмаси ватандошларни ижтимоий тармоқларда ИИВ томонидан йўлга қўйилган техник хатолик юзасидан фикр билдиришда ҳиссиётларга берилмасликка чақирди.