Бу келишув тўғридан-тўғри ҲАМАС ва АҚШ ўртасида имзоланган – исроил бу келишувда иштирок этмаган. Фаластин қаршилик ҳаракати америкалик ҳарбий асир ва яна 10 нафар яҳудийни озод қилиши эвазига 70 кунлик оташкесим эълон қилиниб, чегаралар очилиши ҳамда Ғазога инсонпарварлик ёрдами киритилиши кутиляпти.

АҚШ таълим вазири Линда Макмахон Гарвард университетига расмий мактуб йўллаб, университет бундан буён давлат томонидан молиялаштирилмаслигини маълум қилди. Daily Mail'нинг ёзишича, университет маъмурияти расмий жавоб ўрнига хатдаги имловий ва пунктуацион хатоларни тузатиб ортига қайтарган.

АҚШ Вакиллар палатасининг Демократик партиядан аъзоси Рашида Тлаиб Қўшма Штатларни геноцидга шерикликда айблади. Унинг таъкидлашича, исроил* 64 кундан бери инсонпарварлик ёрдамининг Ғазога киришига тўсқинлик қилмоқда. Уруш жиноятчиси Бинямин Нетаняху бутун Фаластин аҳолисини мажбуран чиқариб юбориш, этник тозалаш, Ғазони бутунлай вайрон қилиш ва уни аннексия қилишни назарда тутувчи режасини яширмаяпти.

Украина билан стратегик ресурсларни биргаликда қазиб олиш бўйича келишувга эришгандан сўнг, АҚШ Марказий Осиёни нодир қазилмаларни олиш учун навбатдаги муҳим ҳудуд сифатида кўрмоқда. Мазкур минтақа катта захираларга эга бўлган ҳолда, Хитой ва Россиянинг кучли таъсирига қарамай, АҚШнинг эътибор марказидадир.

АҚШ расмийлари президент Шавкат Мирзиёевга Ўзбекистон, Қозоғистон ва Қирғизистон фуқаролари бўлган 131 кишини депортация қилиш бўйича амалиётни ташкил этгани ва молиялаштиргани учун миннатдорлик билдирди. Марказий осиёликларни олиб қайтаётган рейс Вашингтон ва Тошкент ўртасидаги келишув доирасида амалга оширилган.

Кичкинагина паразит жавоҳир ари нисбатан йирик бўлган суварак танасига заҳрини юбориб, уни митти аричалар вояга етадиган тирик бошпанага айлантиради. Исроил худди шундай жавоҳир паразит арининг замонавий муқобилидир — у ўз хўжайини (АҚШ)га онг ўзгартирувчи заҳар юбориб, уни паразитизмни қабул қилишга ва охир-оқибат ўлимига сабабчи бўлмоқда. Агар биз Исроилга миллатимизни асосчи-оталаримиз орзу қилган эркин миллатни эмас, балки зомбиллашган кўринишдаги миллатга айлантиришига қўйиб берсак, шунчаки ўзаро оммавий ҳалокатимизни енгиллаштирган бўламиз. Америкалик ёзувчи, АҚШ денгиз пиёдалари корпусининг собиқ разведка офицери Скотт Риттер мақоласидан.

Мамлакат Қуролли кучлари Марказий қўмондонлиги маълумотига кўра, минтақада иккинчи авиаташувчи кема – USS Carl Vinson ўз фаолиятини бошлаган. У эндиликда USS Harry Truman билан биргаликда Қизил денгизда Яман Ҳусийларининг позицияларига ҳар куни зарба беряпти.

АҚШ президенти Дональд Трамп маъмурияти 43 та давлат фуқаролари учун мамлакат эшикларини ёпишни режалаштирмоқда. Бу давлатлар учта тоифа – «қизил», «тўқ сариқ» ва «сариқ»қа бўлинади. Ўзбекистон ушбу рўйхатда қайд этилмаган.

Куни кеча Доҳада АҚШ президентининг Яқин Шарқ бўйича махсус вакили Бретт Уиткофф Саудия Арабистони, Қатар, БАА, Иордания ва Миср ташқи ишлар вазирлари билан учрашди. Музокараларда Ғазо секторини тиклаш бўйича араб режасини амалга ошириш, уни бошқариш учун маъмурий қўмита тузиш ва тикланиш жараёнини тезлаштириш механизмлари муҳокама қилинди.

АҚШ президенти Дональд Трамп "Толибон"дан танклар, юк машиналари, қуроллар, тунги кўриш ускуналарини қайтаришини яна бир бор талаб қилди. "Толибон" эса ушбу қуроллар билан фақат АҚШга зарба бериши мумкинлигига ишора қилган. Олдинроқ, "Толибон" АҚШ Афғонистонга ҳеч қандай молиявий ёрдам бермаганини айтиб чиққан эди.