27.08.2025 11:20
45
Моди Трампдан нега аразлади?
Ҳиндистон бош вазири Нарендра Моди сўнгги ҳафталарда Дональд Трамп билан тўрт марта телефон орқали суҳбатлашишдан бош тортган. Бу ҳақда FAZ (Frankfurter Allgemeine Zeitung) нашри хабар берди.
Нашр манбаларига кўра, Моди АҚШ президентининг Ҳиндистон иқтисодиётини "ўлик" деб атагани ва ҳинд маҳсулотларига қўшимча 25% бож жорий қилганидан норози. Моди Трампнинг бу ҳаракатларини ҳиндларга нисбатан ҳақорат сифатида қабул қилган.
Модининг Вашингтонга февраль ойидаги ташрифидан сўнг икки томонлама тўлақонли савдо битимига эришиш бўйича музокаралар бошланган эди. Бундан мақсад – 2030 йилгача икки давлат ўртасидаги савдо ҳажмини $500 миллиардга етказиш бўлган. Ҳинд делегацияси ушбу келишувга эришиш учун бир неча марта Вашингтонга борган. Битим кузда имзоланиши кутилганди, бироқ 25 августга белгиланган навбатдаги музокараларнинг олтинчи раунди учун АҚШ делегациясининг Ҳиндистонга ташрифи бекор қилинди.
