Мисрлик миллиардер АҚШ иқтисодиётига 50 млрд долларгача сармоя киритмоқчи
Мисрнинг энг бой кишиси сифатида танилган тадбиркор Нассеф Савирис АҚШ иқтисодиётига катта сармоя йўналтиришда давом этмоқда. У Ғазодаги геноциднинг бевосита иштирокчиси бўлган мазкур мамлакат инфратузилмасига оид лойиҳаларга 50 миллиард долларгача инвестиция киритмоқчи, деб ёзади Financial Times.
Нашр билан суҳбатда инглиз футболи клуби – "Астон Вилла"нинг эгаси бўлган мисрлик миллиардер ўзининг кимё компанияси OCI Globalни оилавий қурилиш компанияси Orascom Construction билан бирлаштирганини маълум қилган.
Таъкидланишича, бирлашган компания акциялари ҳозирги кунда Савирис истиқомат қилаётган Абу-Дабида сотувга чиқарилади.
Савириснинг қўшимча қилишича, янги компаниянинг асосий мақсади АҚШдаги инфратузилма лойиҳаларига йўналтирилган сармоялар бўлади. Миллиардернинг режалари орасида дата-марказлар қурилиши ва бошқа йирик лойиҳаларда иштирок этиш ҳам бор.
