Ироқ шимолида Туркия ҳарбий базасига ҳужум уюштирган Курдистон ишчилар партияси жангарилари 5 нафар турк аскарини ҳалок қилди, 8 нафарини яралади. Шунингдек, 12 жангари зарарсизлантирилган. Туркия бунга жавобан PKK объектлари, жумладан, нефть иншоотлари, бошпана ва ғорларни бомбалади.

Туркиянинг Истанбул шаҳрида жойлашган тарихий Аясофя жомеъ масжидига кириш 15 январдан чет эллик сайёҳлар учун пулли бўлди. Маданият ва туризм вазирлиги кириш тўловини киши бошига 25 евро этиб белгилади.

Дин ишлари бўйича қўмита экстремизм ва терроризм ғоялари билан йўғрилган деб топилган ва Ўзбекистонга олиб кириш, тайёрлаш, тарқатиш ва намойиш этиш тақиқланган Telegram, YouTube каналлар, Facebook, OK.RU, Instagram, TikTok саҳифалар ва сайтлар рўйхатини янгилади. Рўйхатда тақиқланган китоб ва нашидалар ҳам ўрин олган.

Франция ТИВ Озарбайжондан Шарқий Европа, Марказий Осиё ва бошқа давлатларда разведка фаолиятини олиб боргани учун қўлга олинган “агенти”ни қўйиб юборишни талаб қилди.

Ўзбекистоннинг Туркиядаги элчихонаси ва Бош консулхонаси томонидан Мубашшир Аҳмадга нисбатан тегишли консуллик-ҳуқуқий ёрдам кўрсатилаётгани маълум қилинди.

“Турк ҳаво йўллари” 2023 йилда 83,4 млн йўловчи ташиб, барча даврларнинг энг юқори йўловчи сонига эришди.

Туркия Исроил билан савдо алоқалари асосан ишғол остидаги Фаластин ҳудудлари ва Исроил фуқаролари ҳисобланган фаластинликлар билан амалга оширилаётганини маълум қилди.

АҚШ ҳам Марказий Осиё давлатлари суверенитетини дастаклаш баҳонасида яна катта ўйинга қўшилди. Аммо бу ўйинда ҳозирча Москва ва Пекиннинг қўли баланд. Марказий Осиё амалда боши берк кўчага кириб қолган.

2023 йилда Туркия ташқи савдода 822 млрд лиралик ҳисоб-китобларни миллий валютасида амалга оширди.

Қозоғистонда Россиянинг бир қатор телеканаллари эфири тўхтатилди. Улар ўрнини, жумладан, маҳаллий телеканаллар эгаллайди.