Озарбайжон парламенти Франция Сенатининг Бокуга қарши санкцияларни ўз ичига олган қарорга жавобан, Ташқи ишлар вазирлигига Франциянинг мустақиллик даъво қилувчи Канака, Маохи Нуи ва Корсика ҳудудлари суверенитетини тан олиш чораларини кўриш топширди.

SpaceX компаниясининг Axiom-3 миссиясини Халқаро космик станцияга олиб чиқиши керак бўлган Falcon 9 ракетаси парвози бир кунга қолдирилди.

Бошқирдистонда Фаил Алсинов экстремизмда айбланиб 4 йилга қамалиши ортидан минглаб маҳаллий аҳоли норозилик билдириб чиқди. Полиция ва фуқаролар ўртасида тўқнашувлар келиб чиқди, аҳолига қарши кўздан ёш оқизувчи газ ва шовқинли гранаталардан фойдаланилди. Фаил бошқирд тилидаги нутқларидан бирида марказий осиёликларни «кара халык» деб атаб, уларнинг ўз юртларига кетишларини талаб қилган.

Туркиянинг илк космонавти Алпер Гезеравжи 18 январга ўтар кечаси Axiom тижорий миссияси таркибида Халқаро космик станцияга парвоз қилади. Гезеравжи ХКСда 14 кун давомида турли илмий вазифаларни амалга оширади, хусусан, онкология, иммун ҳужайралари ва бошқалар устида 13 та тажриба ўтказади.

Қирғизистоннинг Боткен шаҳрида 10-16 январь кунлари топографик ишчи гуруҳининг навбатдаги йиғилишида қирғиз-тожик давлат чегарасининг 38 километрини делимитация (умумий чегараларнинг йўналиши ва ҳолатини аниқлаш) ҳамда демаркация (чегара белгиларини кўрсатган ҳолда давлат чегарасини белгилаш) бўйича келишувга эришилди.

БАА ҳукумати 16 февралдан Ўзбекистон фуқаролари учун 30 кунгача визасиз режимни жорий қилди. Ҳукуматлараро ҳамкорлик протоколи 16 январь куни Ўзбекистоннинг ушбу мамлакатдаги элчиси А.Аққулов ва мамлакат ташқи ишлар вазири ўринбосари Холид Абдулла Белҳул томонидан имзоланди.

турк ташкилотлари 2023 йил охиригача Африкада 85,4 млрд долларлик 1864 та лойиҳани амалга оширди. Туркия-Африка савдоси 2003 йилдаги 5,4 млрд доллардан 2022 йил охирига келиб қарийб 41 млрд долларга ўсди. Бу кўрсаткич 2023 йилда 50 млрд долларга етиши кутилмоқда.

Қирғизистон президенти Садир Жапаров 11 январь куни Миллий хавфсизлик давлат қўмитаси ҳукуматни ағдаришга тайёргарлик кўраётган гуруҳ фош этилганига муносабат билдириб, халқ норозилигидан ўз мақсадлари йўлида фойдаланмоқчи бўлганлар қаттиқ жазоланишини маълум қилди.

Қозоғистонда Озарбайжон, Қирғизистон, Тожикистон ва Ўзбекистон ҳарбий контингентлари иштирокида «Бирлестик» ўқув машғулотларини ўтказади.

Туркиянинг “Анталяспор” клубида тўп сурувчи исроиллик футболчи Сагив Ехезкел “Тарбзонспорт” клуди дарвозасига гол урганидан сўнг камерага “7 октябрдан бери 100-кун” ёзуви ва билагидаги Довуд юлдузини кўрсатиб, Исроилнинг Ғазодаги геноцидини қўллаб-қувватлашини намоён этди. Кейинроқ “Башакшеҳир”да ўйнаётган исроиллик Эден Карцев ҳам ҳам ижтимоий тармоқларда “100 кун” сўзи бўлган постни эълон қилди. Спортчиларнинг бу ҳаракатлари қизғин муҳокамаларга сабаб бўлди.