Таниқли диний уламо, Azon Global ахборот-таҳлил портали ва қатор лойиҳалар асосчиси устоз Мубашшир Аҳмад мусулмонларнинг Umma Life ижтимоий тармоғи фойдаси учун бошқа ижтимоий тармоқлардан воз кечишини маълум қилди. Устознинг Facebook, X, Telegram ва Instagram`даги саҳифалари админи томонидан юритилади.
Жаҳон миқёсида турк сериалларига бўлган талаб охирги уч йилда 183 фоизга ортиб, умумий 1 млрд кишига етди. 2023 йилда Туркия сериал ишлаб чиқариш бўйича АҚШ ва Британиядан кейинги учинчи давлатга айланди. Сериал экспортидан тушган даромад эса 600 млн долларга етгани, яқин орада бу рақам 1 млрд доллардан ортиши тахмин қилинмоқда.
“Толибон” томонидан қурилаётган 285 километрлик Қўштепа канали Амударёдан ҳар йили 4-4,5 куб километр ёки 12-13 фоиз сувни олади. Бу эса Ўзбекистон ва Туркманистонда сув таъминотини 80 фоиздан 65 фоизга тушишига олиб келади. Афғонистоннинг ҳеч бир халқаро трансчегаравий ҳужжатни имзоламагани музокараларни қийинлаштираётгани айтилди.
Озарбайжон президенти Илҳом Алиев агар бир йил ичида мамлакат делегациянинг овоз бериш ҳуқуқи тикланмаса, Боку Европа Кенгашидан тўлиқ чиқиш масаласини жиддий кўриб чиқиши мумкинлигини таъкидлади.
Истанбулда Ислом Ҳамкорлик Ташкилоти ахборот вазирларининг навбатдан ташқари йиғилиши Исроил дезинформасиясига қарши курашишга келишиб олинди. Йиғилишда Ўзбекистондан ҳам вакил иштирок этди.
Қирғизистон уран ва торий конларини қидириш ва ўзлаштиришга қўйилган тақиқни бекор қилишни таклиф қилмоқда. Тақиқ 2019 йил декабрида “уран можароси”дан кейин жорий қилинган эди.
Туркманобод шаҳрида Ўзбекистон-Туркманистон қўшма демаркация комиссияси ишчи гуруҳларининг навбатдаги йиғилиши бўлиб ўтди. Учрашувда 1650 километрлик умумий чегарани демаркация қилиш бўйича музокаралар давом эттирилди.
Туркиядаги иккинчи АЭС қурилиши ҳам "Росатом" давлат корпорациясига топширилиши маълум қилинди. Ҳозирда Россия Туркияда "Аккую" АЭС қурилишини давом эттирмоқда. АЭС 2025 йил ўрталарида ишга туширилади.
Қирғизистон бош вазири Акилбек Жапаров ажрашган аёлларга ижтимоий тармоқларда собиқ эри ва унинг оиласи ҳақида салбий чиқишлар қилишни тақиқлаш таклифини илгари сурди. У ўз таклифини бундай чиқишлар қирғиз халқи анъана ва қадриятларига зидлиги билан изоҳлади.
Туркияда кириш визаси эвазига Франция ташқи разведкаси фойдасига жосуслик қилган уч нафар суриялик қўлга олинди. Улар Туркияга қарши сохта ҳужжатлар тайёрлаш ва Туркиянинг миграция сиёсати ҳақида хорижий разведка идораларига маълумотлар тақдим этиш билан шуғулланган.