Туркияда сунъий интеллект асосида ишлайдиган лазер қуроли ишлаб чиқилди. У 4 километргача масофадаги дронлар ва миналарни йўқ қилишга мўлжалланган.
Қозоғистоннинг 8 та вилоятида ўтказилган тезкор тадбирларда қатор террорчилик ва жиноий гуруҳларга алоқадор 23 киши қўлга олинди, қурол-яроғ ва наркотик моддалар мусодара қилинган. Қўлга олинганларнинг ўз фаолиятларини диний ниқоб остида амалга оширилгани айтилмоқда.
Тожикистон ва Қирғизистон ўртасидаги баҳсли чегаранинг яна 1,1 километрини келишиб олди. Айни пайтда икки давлат ўртасидаги умумий 972 километрлик чегаранинг 889,45 километри ёки қарийб 90 фоизи аниқ белгиланган ва чегара чизиғи тортилган. Қолган қисмлари баҳсли ҳисобланади. Яъни, ҳар икки томон ҳам ўзини деб ҳисоблайдиган ҳудудлар ҳамон мавжуд.
Қирғизистон президенти Садир Жапаров “Чет эл агентлари тўғрисида”ги қонун муҳокамаси муносабати билан хавотир билдирган АҚШ давлат котиби Энтони Блинкенга мамлакат ички ишларига аралашмасликни сўради.
Яшаш гувоҳномаси муддатлари узайтирилмаётгани, янги келганларга рухсат берилмаётгани, уй ва ижара нархлари кескин ортиб кетгани сабабли ўн минглаб чет элликлар Туркияни тарк этмоқда. Биргина Антальяни 2023 йилда 40 минг хорижлик тарк этди.
Истанбулнинг Кағитхане туманида масжидга камида 10 марта борган болаларга совға сифатида велосипед берилиши эълон қилинди.
Жаҳон банки мутахассислари Каспий денгизи сатҳининг пасайиши бўйича тадқиқот олиб боради. Улар 18 ой давомида аввалги тадқиқотлар, минтақавий иқлим моделлари натижаларини босқичма‑босқич ўрганиб, гидрологик моделларни тайёрлашади.
Россиянинг Остонадаги элчиси Алексей Бородавкин Қозоғистон ва Россия ўртасида миллий валюталарда ўзаро ҳисоб-китоблар улуши 80 фоизга етганини маълум қилди.
Туркиянинг биринчи астронавти Алпер Гезеравжини ўз ичига олган Axiom-3 (Ax-3) экипажи Dragon космик кемаси капсуласида Ерга қайтди.
Беларусь президенти Александр Лукашенко 7-9 февраль кунлари расмий ташриф билан Ўзбекистонда бўлди. Ташрифнинг қисқача тафсилоти.