Хива шаҳрига “Ислом оламининг 2024 йилги сайёҳлик пойтахти” сертификатини топширилди. 2024 йил май ойида ушбу шаҳарда Ислом ҳамкорлик ташкилоти (ИҲТ) туризм вазирларининг 12-сессияси, Taste of Uzbekistan Festival гастрономик фестивали, Паҳлавон Маҳмуд хотирасига бағишланган «Strongmen» халқаро баҳодирлар ўйини мусобақаси, «Халқаро зиёрат туризми ҳафталиги» ва бошқа тадбирлар ўтказилиши белгиланган.
Туркия қуролли кучлари Ироқ шимолида мамлакатда тақиқланган Курдистон ишчилар партияси (ПКК) жангариларига қарши кенг кўламли қуруқликдаги ҳарбий операция ўтказишни режалаштирмоқда. Анқара Ироқ билан чегаранинг барча 378 километрини ПКК жангариларидан бутунлай тозаламоқчи.
Ўзбекистон мусулмонлари идораси таровеҳ намозининг ҳудудларда ўқиладиган вақтларини эълон қилди. Намозлар 10 март, якшанба куни хуфтон намозидан сўнг бошланади.
Ўзбекистон Олий суди тақиқланган манбаларнинг янги рўйхатини эълон қилди. 2019 йилдан ҳозирга қадар Олий суднинг 80 дан зиёд ҳал қилув қарори асосида 1 000 дан ортиқ манба тақиқлангани айтилмоқда.
Қозоғистон халқаро тараққиёт агентлиги KazAID кўмагида президент Қосим-Жомарт Тоқаев номидан 2000 тонна дизель ёқилғиси кўринишидаги инсонпарварлик ёрдами ажратилди. Ёрдамнинг 1000 тонналик биринчи партияси Қирғизистонга топширилди. Мазкур ёрдам Бишкек ИЭСда содир бўлган авария оқибатларини бартараф этишда Қирғизистон ҳукуматини қўллаб-қувватлаш мақсадида ажратилган.
2023 йилда Америкага 50 мингдан ошиқ марказий осиёлик ноқонуний кирган. АҚШ судларидан 17 мингдан зиёд Ўзбекистон, 7 минг нафар Қирғизистон, 3 минг нафар Тожикистон , 2,7 минг нафар Қозоғистон ва 2 минг нафар Туркманистон фуқаролари бошпана сўраган.
Ўзбекистон Иқтисодиёт ва молия вазирлиги Халқаро ислом савдо-молия корпорацияси билан 100 млн долларлик «Муробаҳа» молиялаштириш битими ҳамда агентлик келишувини имзолади. Маблағ озиқ-овқат хавфсизлигини таъминлаш мақсадида 24 ойгача бўлган муддатга икки траншда ажратилади.
Қозоғистон синов лойиҳани амалга ошириш доирасида Ўзбекистон билан юк ташишни соддалаштирмоқчи. Унга кўра, 1 апрелдан бир қанча назорат-ўтказиш пунктларида “учинчи мамлакатларга/учинчи давлатларга” туридаги рухсатномалар электрон шаклда берилади.
Ўзбекистон мусулмонлари идораси Ўзбекистонда Рамазон ойининг биринчи куни 11 март санасига тўғри келишини маълум қилди. Туркия давлатлар уламолари фиқҳий қоидаларга таянган ҳолда фалакий ҳисоб-китоб ва астрономик кузатувларни эътиборга олиб бу ҳақда якдил қарорга келди.
4 март, душанба куни Қирғизистонда 6, Қозоғистонда 6,1 магнитудали зилзила содир бўлди. Қурбонлар, вайронагарчиликлар ва жароҳатлар ҳақида ҳозирча маълумотлар йўқ.