Туркияда француз разведкаси фойдасига жосуслик қилган уч суриялик қўлга олинди

Миллий разведка ташкилоти (МИТ) контрразведка бошқармаси ва Истанбул минтақавий бошқармасининг ҳамкорликдаги саъй-ҳаракатлари натижасида Франция Ташқи хавфсизлик бош бошқармаси (DGSE) учун Туркияда 1 йил давомида жосуслик қилган 3 кишилик тўда фош қилинди. Бу ҳақда Yenishafak нашри хабар берди.

Франция ташқи разведкасининг жосуслари бўлган бу уч шахс Туркияга қарши сохта ҳужжатлар тайёрлаш ва Туркиянинг муҳожирлик сиёсати ҳақида хорижий разведка идораларига маълумотлар тақдим этиш билан шуғулланиб келган.

МИТнинг Туркиядаги хориж разведка ташкилотлари фаолиятини фош қилишга қаратилган разведка ишлари доирасида Истанбулда яшовчи ва ўзини фаол журналист сифатида омма олдида кўрсатган Аҳмет Кати исмли суриялик шахснинг оиласи билан Франциянинг Истанбулдаги бош консуллигидан бошпана сўрагани аниқланди.

Бироқ Франция ташқи разведка хизмати Катига сиёсий бошпана олиш учун Туркияга қарши ҳарбий ва сиёсий жосусликни таклиф қилган. Кати жосуслик таклифини қабул қилиб, Туркиядаги суриялик қочқинлар ва Туркияни Европада қийин аҳволга солиб қўйиши мумкин бўлган миграция сиёсати ҳақида ёлғон маълумот ва ҳужжатлар тақдим этган.

Аҳмет Кати, Иброҳим Шеваиш ва Халис Алнаҳар исмли 3 нафар сурияликнинг Франция разведкаси кўрсатмаси билан Франция пойтахти Парижда жойлашган Ҳалаб жамияти дўстлари (Coliectif Amis d'Alep) нодавлат ташкилоти раҳбарлари билан алоқага чиққани маълум бўлди.

Француз разведкаси назорати остидаги Париж нодавлат ташкилоти раҳбарларининг Туркия қочқинларни сақлаш марказларида қийноқлар қўллаётгани ва инсон ҳуқуқларини поймол этилаётганини иддао қилиб, интернет иловалари орқали масофавий онлайн платформалар орқали Туркияни халқаро майдонда шарманда қилишга урингани аниқланди.

Аҳмет Кати Туркияни инсон ҳуқуқларини бузишда айбловчи маълумотлар ва ҳужжатларни яширин равишда Франция разведкасига узатганликда айбланмоқда. У Туркия ҳукумати томонидан таҳдидлар олганини ва Туркиядаги қочқинлар ҳуқуқларини ҳимоя қилувчи энг муҳим фаоллардан бири эканини таъкидлаб, жосуслик доирасида ошкор этилмаган махфий маълумотларни қўлга киритгани ва уларни француз разведкасига узатганини таъкидлаган. Шунингдек, Катининг Туркиядаги баъзи сиёсий партиялар билан алоқа ўрнатишга ҳаракат қилгани аниқланди.

Бундан ташқари, Аҳмет Кати Суриянинг Туркия билан чегарасида турк аскарлари томонидан сурияликлар ўлдирилгани, Туркия чегарачилари томонидан 55 нафар муҳожир Юнонистон-Туркия чегарасидаги Эврос дарёсига улоқтириб юборилгани каби маълумотлар билан хорижий оммавий ахборот воситалари орқали қора ташвиқот олиб боргани аниқланди.

Истанбулда МИТ томонидан босқичма-босқич кузатув остида бўлган Аҳмед Кати Бурсада ҳам кузатув остида бўлган. Франция разведкасининг кўрсатмаси билан Франциянинг Истанбулдаги Бош консуллиги томонидан фавқулодда виза берилган Кати МИТ ва Истанбул полициясининг муваффақиятли операцияси туфайли Ҳуссам Алнаҳар ва Иброҳим Шеваиш билан бирга мамлакатни тарк этишдан олдин қўлга олинган.

Мавзуга алоқадор

Энг кўп ўқилган

Тавсия қилинган