Ўзбекистон мусулмонлари идораси раиси, муфтий шайх Нуриддин Холиқназар ҳазратлари Ислом олами уюшмаси таркибидаги Исломий фиқҳ академияси аъзолигига қабул қилинди.
Ўзбекистон Қозоғистоннинг сув тошқинларидан жабр кўрган ҳудудлари аҳолиси учун 15 та юк машинасида инсонпарварлик ёрдами жўнатди. 100 тонна юкни ўз ичига олган мазкур ёрдам қиймати 10 миллиард сўмни ташкил этиши маълум қилинди.
Қозоғистонда “Оммавий ахборот воситалари тўғрисида”ги янги қонун қозоқ тилидаги ахборотлар улушини босқичма-босқич оширишга қаратилган. 2025 йилдан бошлаб қозоқ тилидаги теле ва радио дастурлар умумий ҳажмининг камида 55 фоизини, 2027 йилдан эса 60 фоизини ташкил қилиши керак.
Мустақил давлатлар ҳамдўстлиги (МДҲ) Парламент ассамблеясининг сиёсий масалалар ва халқаро ҳамкорлик бўйича доимий комиссиясининг навбатдаги мажлисида Ассамблеянинг Фаластин давлатининг Ғазо секторидаги вазият тўғрисидаги баёноти лойиҳаси кўриб чиқилди. Унда Ўзбекистон нуқтаи назари ва таклифлари ҳам инобатга олинди.
Ўзбекистон президенти Шавкат Мирзиёев Тожикистон президенти Эмомали Раҳмоннинг таклифига биноан 18-19 апрель кунлари давлат ташрифи билан ушбу мамлакатда бўлди. Шавкат Мирзиёев ташриф давомида Эмомали Раҳмон тор доирада ва кенгайтирилган таркибда музокаралар ўтказди, шунингдек, Тожикистон Парламенти қуйи палатаси раиси Маҳмадтоир Зокирзода ва бош вазир Қоҳир Расулзода билан учрашувлар ўтказди. Ташрифнинг қисқача тафсилоти.
Қозоғистон президенти Қасим-Жомарт Тоқаев тошқиндан жабр кўрган ҳудудларга ёрдам беришга маҳаллий миллиардерларни жалб қилиш ғоясини таклиф қилди. У ҳар бир вилоят, туман ва қишлоққа мамлакатдаги энг бой кишилардан бирини бириктириш зарурлигини таъкидлади.
Россия тинчликпарвар кучлари Қорабоғни тарк этишни бошлади. Жумладан, Келбажар туманидаги албан Худаванг ибодатхонасини қўриқлаш Озарбайжон ИИВ ходимларига топширилди.
Ўзбекистон мусулмонлари идораси ва Жанубий Корея мусулмонлари федерацияси ўртасида англашув меморандуми имзоланди. Унда диний таълим ва имом-хатиблар тажриба алмашинувини йўлга қўйиш, Жанубий Кореяда меҳнат муҳожирлари кўп жойлашган ҳудудлардаги жоме масжидларга ўзбекистонлик имом-хатибларнинг маърифий суҳбатлар ташкил этиш кабилар кўзда тутилган.
Қирғизистон Рақамли ривожланиш вазирлиги Миллий хавфсизлик давлат қўмитаси хати асосида мамлакатда TikTok ижтимоий тармоғига кириш чекланишини маълум қилди.
Франция Озарбайжондаги элчиси Анн Буайонни маслаҳатлашувлар учун чақириб олди. Париж Бокуни “икки давлат муносабатларига путур етказувчи бир томонлама ҳаракатларда” айблади.