ОАВ: Россия тинчликпарвар контингентини Қорабоғдан олиб чиқишни бошлади
Ижтимоий тармоқларда Россия ҳарбий техникалари карвони Қорабоғни тарк этиб, Тертер ва Бардин туманлари орқали Озарбайжондан чиқиб кетаётгани акс этган видеолар пайдо бўлди. Озарбайжон матбуотининг қайд этишича, шу билан Россия тинчликпарвар контингентининг мамлакат ҳудудидан олиб чиқиб кетилиши бошланган.
Хабарларда ҳарбий техника ва тинчликпарвар кучлар аллақачон
Келбажар туманидаги албан
Худаванг ибодатхонаси ҳудудидан чиқиб кетгани қайд этилган. Монастирни қўриқлаш Озарбайжон Ички ишлар
вазирлиги ходимларига ўтказилди.
Эслатиб ўтамиз, Россия тинчликпарвар кучлари 2020 йил 10
ноябрда Озарбайжон, Россия ва Арманистон раҳбарлари томонидан имзоланган уч
томонлама баёнотга мувофиқ,
Қорабоғ ҳудудига жойлаштирилган эди. 2024 йил 1 январда расман тан олинмаган
Тоғли Қорабоғ Республикаси ўз фаолиятини тўхтатди.
Март ойида Озарбайжон президенти Илҳом Алиев Боку ва Ереван
икки томонлама муносабатларни тартибга солишга ҳар қачонгидан ҳам яқинроқ
эканини айтди.
.png)
Мавзуга алоқадор
-
Озарбайжон Арманистон томонидан босиб олинган 4 та қишлоқни зудлик билан қайтаришни талаб қилди. Шунингдек, арманлар ишғоли остидаги яна 4 та қишлоқни қайтариш масаласи демаркация жараёнида ҳал қилиниши айтилди.
-
1993 йил 23 августдан 2020 йил 9 ноябргача арманлар ишғоли остида бўлган Озарбайжоннинг Фузулий шаҳрига 138 кишидан иборат яна 35 та оила қайтмоқда. Шундай қилиб, қайта тикланган ва янги уй-жойлар барпо этилган ушбу шаҳарга қайтган оилалар сони 666 тадан ошди. Уларнинг фарзандлари Ўзбекистон томонидан қуриб берилган мактабда ҳам таҳсил олишади.
