Россия Shahed-136 зарба берувчи дронлари учун тўлов сифатида Эрон компаниясига умумий қиймати тахминан 104 миллион доллар бўлган камида 1,8 тонна олтин қуймалари берди.

АҚШ Федерал Апелляция суди президент Дональд Трамп жорий этган импорт божларига нисбатан куни кеча бошқа суд томонидан чиқарилган тақиқ қарорини вақтинча тўхтатди. Апелляция жараёни давомида божлар кучда қолади. Америка матбуотининг ёзишича, иш катта эҳтимол билан Олий судгача етиб боради.

Россияда Ҳалол маҳсулотлар ва хизматларни стандартлаштириш бўйича техник қўмита ташкил этилди. Қўмита таркибига қарийб 40 та ташкилот киритилган. Қўмитанинг вазифаси ҳалол маҳсулотларни ишлаб чиқариш, етказиб бериш ва сотиш бўйича миллий стандартларни ишлаб чиқиш, шунингдек халқаро талаблар билан уйғунлаштиришдан иборат.

Айрим таҳлилчиларининг фикрича, Трамп учта буюк давлат деб аталадиган АҚШ, Хитой ва Россиянинг ҳар бири ер шарининг ўзига хос қисмида ҳукмронлик қиладиган дунёни тасаввур қиляпти. Дунёнинг бундай қайта бўлиниши "XIX аср императорлик бошқаруви услубига қайтиш бўлади".

Россия президенти Владимир Путин Тожикистон раҳбарининг ўғли, ҳозирги вақтда Миллий Мажлис раиси лавозимини эгаллаб келаётган Рустам Эмомали билан учрашди. Халқаро таҳлилчиларга кўра, президент Эмомали Раҳмон ўз ўғлини Путинга Тожикистоннинг бўлажак етакчиси сифатида тақдим этиш учун Москвага юборган.

Исроилнинг Ғазо секторидаги босқин ва қирғинлари 600 кундан буён тўхтаётгани йўқ. Ҳар куни юзлаб фаластинликлар ҳалок бўлаётган, журналистлар ва гуманитар ходимлар нишонга олинаётган, аҳоли эса қочқинлик ва очлик гирдобида қолаётган бир пайтда, жаҳон ҳамжамиятининг сукути ва баъзи давлатларнинг жиддий дипломатик чоралари ўртасида вазият янада чигаллашмоқда. Қуйида геноциднинг 600-куни – 28 май ҳолати бўйича энг сўнгги маълумотлар келтирилади.

Исроил армияси булдозер ва пиёда аскарлар ҳамроҳлигида Ливаннинг Блида шаҳарчаси томон илгарилади. Шунингдек, Ливандаги БМТ тинчликпарвар кучлари фаолиятига ҳам тўсқинлик бўлди. БМТ миссияси бу ҳолатни қонунбузарлик деб баҳолади.

Европа Иттифоқи (ЕИ) Сурияга қарши жорий этилган иқтисодий санкциялар бекор қилинганини расман билдирди. Шунингдек, санкциялар рўйхатидан банклар, иқтисодиёт учун муҳим соҳаларда фаолият юритувчи компаниялар ва оммавий ахборот воситаларини ўз ичига олган 24 ташкилот чиқарилди.

Ўзбекистон Республикаси Россия фуқаролари учун мамлакатга ички паспорт ёки ID-карта билан 30 кунгача муддатга визасиз кириш тартибини жорий этиш устида иш олиб бормоқда. Ҳозирда россияликлар Ўзбекистонга фақат хорижий паспорт орқали кириши мумкин бўлиб, визасиз тартиб 15 кунгача амал қилади.

Оч ва ҳолдан тойган фаластинликлар исроил ва АҚШ томонидан ташкил этилган ёрдам тарқатиш марказида навбатда турган пайтида ўқ овозлари эшитилди. Босқинчи исроил армияси уч кишини отиб ўлдирди, яна 46 кишини жароҳатлади. Кадрларда фаластинликларнинг атрофи тўсилган йўллар ва ҳудудларга жойлаштирилганини кўриш мумкин. Бу босқинчилар томонидан мусулмонларнинг барча инсоний ҳуқуқлардан маҳрум этилаётганига бир мисолдир.