29.05.2025 10:41
101
Эмомали Раҳмон ўз ўғлини Путиндан "оқ фотиҳа" олишга юбордими?
Кеча, 28 май куни Россия президенти Владимир Путин Тожикистон раҳбарининг ўғли, ҳозирги вақтда Миллий Мажлис раиси лавозимини эгаллаб келаётган Рустам Эмомали билан учрашди.
Миллий Мажлиснинг ижтимоий тармоқлардаги саҳифасида қайд этилишича, учрашувда стратегик ҳамкорликни мустаҳкамлаш, парламентлараро мулоқотни ривожлантириш, гуманитар алоқаларни кенгайтириш ва меҳнат миграцияси масалалари муҳокама қилинган.
Халқаро таҳлилчиларга кўра, президент Эмомали Раҳмон ўз ўғлини Путинга Тожикистоннинг бўлажак етакчиси сифатида тақдим этиш учун Москвага юборган.
Таъкидлаш жоиз, 72 ёшли Эмомали Раҳмоннинг ҳокимиятдан воз кечиши тўғрисидаги миш-мишлар охирги вақтларда фаол муҳокама қилинмоқда.
Манбаларга кўра, ҳокимиятнинг эҳтимолий транзити ҳақидаги миш-мишлар фонида Тожикистон сиёсий элиталари ичида кескинлик кучаймоқда. Хусусан, Эмомали Раҳмоннинг икки потенциал вориси – унинг ўғли, парламентнинг юқори палатаси спикери Рустам Эмомали ва унинг қизи, президент маъмурияти раҳбари Озода Раҳмон ўртасидаги зиддият янада авж олган.
