30.05.2025 06:33
195
2-1 – Трамп олдинда. АҚШ Апелляция суди Трамп жорий этган божлар бўйича тақиқни тўхтатди
АҚШ Федерал Апелляция суди президент Дональд Трамп жорий этган импорт божларига нисбатан куни кеча бошқа суд томонидан чиқарилган тақиқ қарорини вақтинча тўхтатди. Апелляция жараёни давомида божлар кучда қолади. Америка матбуотининг ёзишича, иш катта эҳтимол билан Олий судгача етиб боради.
Апелляция суди томонларнинг ўз далилларини ёзма равишда июнь бошигача тақдим этишини талаб қилди.
Бир кун аввал АҚШ Халқаро савдо ишлари бўйича Федерал суди Трамп жаҳон миқёсида божлар жорий этишда ўз ваколатидан ошиб кетганини таъкидлаб, уларни тўхтатиш ҳақида қарор чиқарган эди.
Уч нафар судядан иборат ҳайъат хулосасига кўра, Трамп божларни асослаш учун таянаётган 1977 йилда қабул қилинган Халқаро фавқулодда иқтисодий ваколатлар тўғрисидаги қонун (IEEPA) президентга бутун дунёга қарши бож жорий этиш ҳуқуқини бермайди.
Манхеттенда жойлашган суд, шунингдек, АҚШ Конституциясига кўра, ташқи савдони тартибга солиш фақат Конгресс ваколатида эканини ва бу ваколат иқтисодиётни ҳимоя қилиш баҳонаси билан президент томонидан чеклаб қўйилиши мумкин эмаслигини таъкидлади.
Апелляция суди томонларнинг ўз далилларини ёзма равишда июнь бошигача тақдим этишини талаб қилди.
Бир кун аввал АҚШ Халқаро савдо ишлари бўйича Федерал суди Трамп жаҳон миқёсида божлар жорий этишда ўз ваколатидан ошиб кетганини таъкидлаб, уларни тўхтатиш ҳақида қарор чиқарган эди.
Уч нафар судядан иборат ҳайъат хулосасига кўра, Трамп божларни асослаш учун таянаётган 1977 йилда қабул қилинган Халқаро фавқулодда иқтисодий ваколатлар тўғрисидаги қонун (IEEPA) президентга бутун дунёга қарши бож жорий этиш ҳуқуқини бермайди.
Манхеттенда жойлашган суд, шунингдек, АҚШ Конституциясига кўра, ташқи савдони тартибга солиш фақат Конгресс ваколатида эканини ва бу ваколат иқтисодиётни ҳимоя қилиш баҳонаси билан президент томонидан чеклаб қўйилиши мумкин эмаслигини таъкидлади.