29.05.2025 13:02
90
NYT: Трамп дунёни қайта тақсимламоқчи
The New York Times газетасининг ёзишича, АҚШ президенти Доналд Трампнинг сўнгги ҳаракатлари унинг дунёни АҚШ, Россия ва Хитой ўртасида бўлмоқчилигидан далолат беради.
Айрим таҳлилчиларининг фикрича, Трамп учта буюк давлат деб аталадиган АҚШ, Хитой ва Россиянинг ҳар бири ер шарининг ўзига хос қисмида ҳукмронлик қиладиган дунёни тасаввур қиляпти. Нашр муаллифларининг таъкидлашича, дунёнинг бундай қайта бўлиниши "XIX аср императорлик бошқаруви услубига қайтиш бўлади".
NYT Америка президентининг Гренландияни Даниядан тортиб олиш, Канадани қўшиб олиш ва Панама канали устидан тўлиқ назоратни тиклаш истагини эслатган.
"АҚШнинг Ғарбий яримшарда ҳукмронлигини кенгайтиришга уринишлари унинг Америка таъсир доирасини яратиш истагининг энг ёрқин белгисидир", деб ёзади газета. Бундан ташқари, ўтган ҳафта Трамп Россия билан савдо алоқаларини тиклаш ва "ўзининг глобал савдо уруши оқибатларини чеклаш" истагини билдирган ҳамда Хитой етакчиси Си Цзинпинни у билан боғланишга чақирган.
