Исроил Ғазо секторида босқинчилик ва қирғинбарот урушини бошлаганига 288 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
Узоқ-яқиндаги мусулмонлар АҚШ ва Ғарбдан қўрқиб, Исроилга бир шапалоқ ҳам туширишга мажоли етмаётган бир пайтда, камбағал ва қолоқ Яман қарийб 2 минг чақиримдан туриб Исроилга оғриқли зарба бера олди. Бу зарба ҳали бошланиши, бу ҳужум Исроилнинг “қуш ҳам учиб ўта олмаслиги” айтилган “Темир гумбази” заифлигидан, Исроилнинг ҳаво ҳужумидан мудофаа тизимлари мусулмонларнинг лабларига учиқ тоштирадиган даражада қудратли эмаслигидан дарак беради.
Озарбайжон пойтахти Боку шаҳрида француз мустамлакачилигига қарши ҳаракатларнинг биринчи қурултойи бўлиб ўтди. Унда Корсика, Меланезия, Полинезия мустақиллиги учун курашаётган 20 га яқин сиёсий партия ва ҳаракатлар етакчилари, Франция мустамлакачилигидан жабр кўрган Кариб денгизи ва Антил ороллари гуруҳи, шунингдек, Голландиянинг икки мустамлакаси ваколатли вакиллари иштирок этди.
БМТнинг Халқаро суди Исроилни Фаластин ҳудудларини ишғол қилишни дарҳол тўхтатишга чақирди. Шунингдек, Халқаро суд Исроил Шарқий Қуддус ва Ғарбий Соҳилда босқинчи ҳисобланишини қайд этиб, ундан Фаластин ҳудудларидаги “адолатсиз ҳаракатлари” туфайли етказилган барча зарарни қоплашни талаб қилди.
The Trump Organization Саудия Арабистонининг Dar Global қурилиш компанияси билан Дубайда (БАА) осмонўпар бино қуриш бўйича келишувни имзолади. Trump Tower Dubai деб номланадиган мазкур бинода Trump меҳмонхонаси ва турар-жой мажмуаси ҳам ўрин олади.
Бангладешда ҳукуматнинг ишга жойлашиш квотасига қарши намойишлар тартибсизликларга айланиб, 39 кишининг ҳаётига зомин бўлди. Намойишчилар давлат телевидениеси идорасига бостириб кирган, бинонинг автотураргоҳи ва фойесида ёнғин бошлаган. Мамлакатдаги барча масжидларда тартибсизликларда ҳалок бўлганлар учун ғойибона жаноза намози ўқилмоқда.
Исроил Ғазо секторида босқинчилик ва қирғинбарот урушини бошлаганига 287 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
Евгений Пригожиннинг шахсан ўзи томонидан “Вагнер” хусусий ҳарбий компаниясига ёлланиб, Украинадаги урушда қатнашган Ўзбекистон фуқароси беш йил қамоқ жазосига ҳукм қилинди. У 2016 йилда ишлаш учун Россияга боради ва бошқа бир муҳожирни қасддан ўлдиргани учун 15 йил муддатга озодликдан маҳрум этилади. Қамоқхонага “Вагнер” раҳбари Евгений Пригожиннинг шахсан ўзи келиб, маҳбусларга озодликка чиқиш, юқори маош ва фуқаролиги бўлмаганларга Россия фуқаролигини ваъда қилади.
Бутун дунё Исроил-Фаластин можаросини икки давлат тамойили асосида ҳал этишни таклиф этаётган бир вақтда, яҳудий депутатлари Фаластин давлатчилигини бутунлай инкон этувчи қонун лойиҳасини қабул қилди. "Исроил Кнессети Иордан дарёсининг ғарбий соҳилида Фаластин давлати ташкил этилишига кескин қарши”, - дейилади ҳужжатда.
Франция мустамлакаси остидаги Янги Каледония мустақиллиги тарафдорлари француз хавфсизлик кучларининг оролдан чиқиб кетишини талаб қилмоқда. Канак социалистик миллий озодлик фронти Парижни Янги Каледониянинг туб аҳолисини ўз тақдирини ўзи белгилаш ва ўз ерларини мустақил бошқариш ҳуқуқидан маҳрум қилишга қаратилган конституциявий ислоҳотга қарши чиққанларга нисбатан қаттиқ босимни давом эттиришда айблади.