Озарбайжон мустамлакачиликка қарши жабҳа очди
17-18 июль кунлари Озарбайжон пойтахти Боку шаҳрида француз мустамлакачилигига қарши ҳаракатларнинг биринчи қурултойи бўлиб ўтди.
Унда Корсика,
Меланезия, Полинезия мустақиллиги учун курашаётган 20 га яқин сиёсий партия ва ҳаракатлар етакчилари, Франция
мустамлакачилигидан жабр кўрган Кариб денгизи ва Антил ороллари гуруҳи,
шунингдек, Голландиянинг икки мустамлакаси ваколатли вакиллари иштирок этди.
Конгресс якунлари бўйича халқаро озодлик жабҳасини ташкил этиш тўғрисидаги
декларация имзоланди ва унинг низоми тасдиқланди.
Ҳужжатда ирқчилик ва репрессия сиёсати, хусусан, Франция
ҳукумати томонидан Янги Каледония ва бошқа мустамлака ҳудудларида содир этилган
жиноятлар қораланади.
Халқаро озодлик жабҳасининг ташкил этилиши француз мустамлакачилигига қарши
марказлашган платформани шакллантиришга қаратилган. Қурултой иштирокчилари
мустақиллик учун курашда янада яқинроқ бирлашишга, шунингдек, француз мустамлакачилиги
устидан ғалаба қозониш ва мустақилликка эришиш йўлидаги ҳаракатларини мувофиқлаштиришга
қарор қилдилар.
Жабҳа мустамлакачилик остида қолаётган бошқа ҳудудларнинг
аъзолари учун очиқ бўлади. Унинг келажакдаги фаолияти мустамлакачиликни йўқ
қилиш стратегияси, ҳаракат режаси ва кун тартибини ишлаб чиқиш ҳамда уларни халқаро
ташкилотларга тақдим этишни ўз ичига олади.
Мавзуга алоқадор
-
Франция парламентининг Янги Каледония Конституциясига камида 10 йил аввал минтақага кўчиб келган хорижликларга сайловларда овоз бериш ҳуқуқини беришни кўзда тутган ўзгартиришни киритиш таклифи маҳаллий аҳолининг норозиликларига сабаб бўлди ва энг камида беш киши ҳаётдан кўз юмган тартибсизликларга айланиб кетди. Тинч океанида жойлашган Янги Каледонияда содир бўлган сўнгги воқеалар Озарбайжонга икки жиҳатдан алоқадор.
-
Франция мустамлакаси остидаги Янги Каледония мустақиллиги тарафдорлари француз хавфсизлик кучларининг оролдан чиқиб кетишини талаб қилмоқда. Канак социалистик миллий озодлик фронти Парижни Янги Каледониянинг туб аҳолисини ўз тақдирини ўзи белгилаш ва ўз ерларини мустақил бошқариш ҳуқуқидан маҳрум қилишга қаратилган конституциявий ислоҳотга қарши чиққанларга нисбатан қаттиқ босимни давом эттиришда айблади.
