АҚШ президенти Жо Байден давлат раҳбари лавозимида ишлашда давом этишини эълон қилди. Байден президентлик пойгасидан чиққанидан сўнг Вакиллар палатаси спикери, республикачи Майк Жонсон давлат раҳбарини истеъфога чиқишга чақирган эди.
Россия судлари Украинадаги уруш бошланганидан буён 53 нафар фаол ва мухолифатчини мажбурий психиатрик даволанишга ҳукм қилди.
2014 йил июнь ойида Ироқнинг Мосул ва бошқа ҳудудларини қўлга киритган ИШИД террор ташкилоти Тал Афар туманида халқ тили билан “Дўзах қудуғи” деб аталадиган ботиққа 1000 дан зиёд тинч аҳоли вакиллари, жумладан, болалар ва аёлларни ўлдириб, кўмган. Улар орасида Ироқ туркманлари вакиллари ҳам бор. Бугунги кунда ушбу ҳудуддаги оммавий қабрлардан жасад қолдиқлари чиқариб олиниб, ДНК текширувидан ўтказилмоқда ва шахслари аниқланмоқда.
Исроил Ғазо секторида босқинчилик ва қирғинбарот урушини бошлаганига 290 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
Покистоннинг Франкфуртдаги консулхонасига номаълум шахслар ҳужум қилди. Уларнинг қўлларида Афғонистоннинг 2021 йилгача қўлланилган байроқлари бўлган. Покистон ТИВ Германиянинг консуллик бинолари ва ходимлари хавфсизлигини таъминламаганини кескин қоралади.
Бангладеш Олий суди якшанба куни мамлакат бўйлаб талабалар норозилигига сабаб бўлган мустақиллик учун курашганларнинг фарзандларини давлат ишига олиш бўйича 30 фоизлик квотани бекор қилди. Охирги кунларда рўй берган оммавий тартибсизликлар натижасида камида 114 киши ҳалок бўлди.
Исроил ҳарбий кучлари Ғазо сектори ва қўшни давлатларга ҳужумларни давом эттирмоқда. Хусусан, Бурайж ва Нусайрат қочқинлар лагерларига уюштирилган ҳужумларда 13 киши, жумладан, бир бола ҳалок бўлди. Яманга берилган зарбаларда эса 6 киши ҳалок бўлди, 80 нафардан ортиқ киши жароҳатланди.
АҚШнинг 46- ва амалдаги президенти Жо Байден жорий йилнинг ноябрь ойида бўлиб ўтадиган сайловларда иштирок этмаслигини маълум қилди. 81 ёшли Байден ўрнига демократлар партиясидан Камала Харрис номзодини илгари суришини билдирди. АҚШда президентларнинг алмашиши сиёсатнинг ўзгаришига сабабчи бўладими – нуқтаи назар.
Исроилнинг Ғазони "йўқ қилиш" уруши - Фаластин озодлигини халқаро масалага айлантирди. Оммавий ахборот воситаларининг ёлғон ахбороти ёки лоббистлар пули Исроилнинг бузилган обрўсини тиклашга ёрдам бера олмайди. Кўплаб исроилликлар ҳам буни англаб етишмоқда – Al-Jazeera журналисти, сиёсий шарҳловчи Рамзий Баруд мақоласидан.
Яманнинг “Ансаруллоҳ” ҳаракати раҳбари Абдуллоҳ ал-Ҳусий 7 июль куни Саудия ҳукмдорларига йўналтирилган стратегик хабарда ўзаро яқинлашган эҳтимолий тўқнашувлар ҳақида огоҳлантирди: «Биз, албатта, банкларга банклар билан, Риёз аэропортига Санаа аэропорти билан ва денгиз портларига денгиз портлари жавоб қайтарамиз.» Ушбу огоҳлантириш Санадан Саудия Арабистонига қаратилган сўнгги таҳдидлар тўлқинидан кейин берилди.