Бомбаланаётган Ғазо: 288-куннинг асосий воқеалари
Исроил Ғазо секторида босқинчилик ва қирғинбарот урушини бошлаганига 288 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
▪️Халқаро суд қароридан сўнг
босқинчилар Ғазонинг барча ҳудудлари - Жабалия, Нусайрат ва Бурейж лагерлари,
Шайх Радван ҳудуди, Хон Юнис, Ғазо маркази, Рафаҳ ва Дайр ал-Балаҳга янада катта куч билан
ҳужум қилди. Ўнлаб одамлар ҳалок бўлди. Уруш бошланганидан буён 38 848 киши
шаҳид бўлди.
▪️Ғарбий Соҳилда ишғолчилар Халил,
Наблус, Байтлаҳм, Қалқиля ва Женинга бостириб киришади. Босқинчилар 2 ҳафта
олдин қўйиб юборган 19 ёшли йигит ўлдирилган.
▪️Ал-Қассам бригадалари Ал-Қудс жангчилари билан биргаликда
Нитсарим ўқи ва Рафаҳда босқинчилар отрядига ҳужум қилди. Жумладан, Рафаҳ шаҳри ғарбидаги Тал-ас-Султан
мавзесида Исроил пиёда аскарлари туннелда олдиндан тайёрлаб қўйилган пистирмага
туширилди.
▪️Ҳизбуллоҳ: Кун давомида босқинчиларга қарши 16 та операция ўтказдик.
Шунингдек, Иллитдаги 91-дивизион штаб-квартираси позицияларига «Жиҳод»
ракеталари билан ҳужум қилинди.
▪️ЖССТ: Ғазодаги оқава сувларда полиомиелит вируси
аниқлангани кўчирилган фаластинликлар аллақачон юқтирилган ва вирус айланиб
юрганини англатади. Бу янги фалокат.
▪️Яман, Иордания, Ливан, Покистон, Тунис, АҚШ ва Канадада
Фаластинни қўллаб-қувватлаш учун минглаб намойишлар бўлиб ўтди.