Голландия матбуоти 2008 йилда голландиялик 36 ёшли Эрик ван Саббен қандай қилиб АҚШ ва Исроилнинг Эрон ядро дастурига уюштирган саботажи иштирокчисига айлангани бўйича суриштирув ўтказди. Журналистик суриштирувда Эрик ван Саббеннинг махсус дастурий таъминотга машҳур Stuxnet вирусини киритиб, Эрон ядро дастурига жуда катта зарар етказгани, бироқ орадан кўп ўтмай автоаварияда ҳалок бўлганини аниқлади.
АҚШ президенти Жо Байденнинг Ямандаги ҳусийлар ҳарбий объектларини нишонга олишга рухсат бергани Демократик партия аъзоларининг танқидларига сабаб бўлди. У “Конгресс розилигисиз Яманга ҳаво ҳужумлари уюштириш” орқали АҚШ Конституциясининг 1-моддасини бузганликда айбланмоқда.
Россия президенти Владимир Путин прокуратура органлари ходимларига мамлакатда жиноятчилик ва экстемизмга қарши курашишни кучайтиришни топширди. “Жиноятчилик ва экстремизм, коррупция ва бюджет маблағларини нотўғри ишлатишга қарши курашда саъй-ҳаракатларни кучайтириш керак. Аксилроссия санкциялари шароитида инқирозга қарши чоралар доирасида иқтисодий соҳадаги қонунчиликка риоя этилишини назорат қилишга алоҳида эътибор қаратиш лозим”, — деди Путин.
Save the Children халқаро ташкилоти 2023 йил 7 октябрдан буён Ғазодаги 1,1 млн вояга етмаган болаларнинг 1 фоизи - 10 минг нафардан зиёди Исроил ҳужумлари оқибатида ҳалок бўлганини маълум қилди. Ташкилот қирғинлардан омон қолган болалар ҳам таърифлаб бўлмас даҳшатларга дч келаётгани, таналари ва руҳиятларида бутун умрлик жароҳатлар олаётганини билдирди.
Исроиллик ёзувчи ва сиёсатчи Ави Липкин Макка, Мадина ва Синай тоғи босиб олинганидан сўнг Исроил чегаралари Ливандан Саудия Арабистонигача чўзилишини айтди.
АҚШ ва Буюк Британия жанговар самолётлар ва “Томагавк” ракеталари ёрдамида Ямандаги “ Ансоруллоҳ” (ҳусийлар) ҳаракатининг камида 60 нишонига зарба берди. Ўз навбатида, ҳусийлар душман кема ва ҳарбий иншоотларига жавоб зарбалари берганини маълум қилди. Қурбонлар ва вайронагарчиликлар ҳақида ҳозирча маълумот йўқ.
Исроил бош вазири Биньямин Нетаняху 7 октябрьдан сўнг Исроилга кириши тақиқланган Ғарбий Соҳилдаги фаластинликларга ишсизлик нафақасини тўлашни сўраб БААга мурожаат қилди. БАА раҳбари эса унга пулни Зеленскийдан сўрашни тавсия қилди.
Исроил Ғазодаги насронийларнинг мавжудлигига геноциднинг бир қисми сифатида барҳам бераётган экан, Ғарб етакчилари буни эътиборсиз қолдирмоқда. Фаластинлик журналист Довуд Куттобнинг бу борадаги фикр-мулоҳазаларини таржима қилдик.
БМТ Халқаро судида Исроилнинг фаластин халқига нисбатан қатлиоми бўйича ЖАР даъвосини кўриб чиқиш бошланди. Суд мажлисларида Халқаро суд раиси Жоан Донохуэ, ЖАРлик судья Дигганг Эрнест Мосенек, исроиллик судья Аарон Барак иштирок этади.
БМТ Хавфсизлик Кенгаши ҳусийларнинг Қизил денгиздаги ҳужумларини зудлик билан тўхтатишни талаб қилувчи резолюция лойиҳасини қабул қилди.