Украина Қуролли кучлари бош қўмондони Валерий Залужний Россиянинг радар ва ҳаводаги қўмондонлик пункти вазифасини бажарувчи А-50 ҳамда Ил-22 ҳарбий транспорт самолётлари Азов денгизи устида муваффақиятли йўқ қилинганини билдирди.
Исроил армияси 7 октябрдан буён ишғол остидаги Ғазо секторида қарийб 30 минг нишонга зарба берилганини билдирди. Ўз навбатида, 100 кундан ортиқ вақт ичида Исроилга қарата Ғазодан 9 мингта, Ливандан эса 2 мингта ракета учирилган.
Малдив ороллари Ҳиндистондан 15 мартгача мамлакатдаги 88 нафар ҳарбий хизматчисини олиб чиқиб кетишни талаб қилди. Мамлакат президенти Муҳаммад Муиззу Малдив ороллари ҳеч бир давлатнинг орқа ҳовлиси эмаслигини таъкидлаб, “Биз мустақил ва суверен давлатмиз”, - дея қўшимча қилди.
Сионистлар Ғазода қатлиом бошлаганига 100 кун тўлди. 100 кундирки бутун Ислом оламининг бағри қон, чин мўминларнинг на еганида халоват бор, на ичганида. Бу оғриқлар ортиқ дин ва миллат чегараларидан ошди. Ҳозир дунёнинг жуда кўп нуқталарида Ғазодаги қатлиомни тўхтатишни талаб қилган намойишлар бўлмоқда. Сабр ва тоқатнинг охири кўриниб қолди...
Тайванда Хитойдан мустақиллик ва АҚШга яқинлашиш тарафдори Лай Циндэ президентлик сайловларида ғалаба қозонди. Дастлабки ҳисоб-китобларга кўра, 64 ёшли Лай Циндэ қарийб 42 фоиз овоз тўпламоқда. Унинг қолган уч рақиби ўз мағлубиятларини тан олди.
The Guardian нашри Исроилнинг Ғазога ҳужумларини қўллаб-қувватлаётган АҚШ Конгрессининг баъзи аъзоларига Исроил лоббилари томонидан хайрия ёрдами кўринишида пул маблағлари берилганини аниқлади.
Қизил денгизда ҳусийлар билан боғлиқ вазият туфайли Tesla ва Volvo Car Европада ишлаб чиқаришни вақтинчалик тўхтатишга қарор қилди. Глобал таъминот занжирига Панама канали сатҳининг пасайиши ҳам таъсир кўрсатмоқда.
7 октябрдан буён ишғол остидаги Ғазо секторида Исроилнинг энг камида 4 минг ҳарбий хизматчиси ногирон бўлиб қолди, улар сони 30 минг нафарга етиши мумкин, деб ёзмоқда яҳудий матбуоти. Хабар қилинишича, Исроил армияси ярадор аскарлар ҳақидаги маълумотни одамларнинг руҳий кайфияти тушиб кетишидан қўрқиб, жамоатчиликдан яширмоқда.
Голландия матбуоти 2008 йилда голландиялик 36 ёшли Эрик ван Саббен қандай қилиб АҚШ ва Исроилнинг Эрон ядро дастурига уюштирган саботажи иштирокчисига айлангани бўйича суриштирув ўтказди. Журналистик суриштирувда Эрик ван Саббеннинг махсус дастурий таъминотга машҳур Stuxnet вирусини киритиб, Эрон ядро дастурига жуда катта зарар етказгани, бироқ орадан кўп ўтмай автоаварияда ҳалок бўлганини аниқлади.
АҚШ президенти Жо Байденнинг Ямандаги ҳусийлар ҳарбий объектларини нишонга олишга рухсат бергани Демократик партия аъзоларининг танқидларига сабаб бўлди. У “Конгресс розилигисиз Яманга ҳаво ҳужумлари уюштириш” орқали АҚШ Конституциясининг 1-моддасини бузганликда айбланмоқда.