-
Эроннинг янги президенти Масуд Пезешкиан давлат раҳбари этиб сайланганидан кейин чоп этган мақоласида Россияни мамлакатининг қимматли стратегик иттифоқдоши деб атади. "Хитой ва Россия қийин пайтларда бизни доимо қўллаб-қувватлаб келган. Биз бу дўстликни чуқур қадрлаймиз”, – деди у.
-
Польша парламенти 1944 йилда қрим татарларининг депортация қилинишини геноцид акти деб тан олган резолюцияни қабул қилди. 1944 йил 18 майда Иосиф Сталин бошчилигидаги совет режими 200 мингдан зиёд қрим татарларини нацистлар билан ҳамкорликда айблаб, Марказий Осиё ва Сибирга сургун қилган. Мажбурий кўчирилганларнинг қарийб ярми сургуннинг оғир шароитларида очлик ва касалликдан вафот этган.
-
Ўзбекистонда биологик усулда етиштирилган пиёз Уммондаги лабораторияда 300 дан ортиқ агрозаҳарлардан ҳоли органик маҳсулот деб топилди. Деҳқоннинг маълум қилишича, пиёз етиштириш харажатлари анъанавий - кимёвий ўғит ва заҳарлар билан ишланадиган усулдагидан камроқ бўлган. Фақат ҳосил кам бўлгани ҳисобидан таннарх қимматроқ тушган. Биолог олим Бахтиёр Абдуғафур Ўзбекистон органик маҳсулотлар етиштириш борасида катта имкониятга эга эканлиги, улар экспортидан олинган даромад нефт-газ даромадидан юқори бўлишини таъкидлади.
-
The Telegraph нашри Хитой қарийб ўн йилдан буён Тожикистоннинг 4000 метр баландликдаги бориш қийин бўлган тоғли ҳудудида махфий ҳарбий база қуриб келаётганини маълум қилди. “Толибон” назорати остидаги Афғонистондан келиши мумкин бўлган таҳдидларни қайтариб қолиши ишонилган база хитой ва тожик ҳарбийларини қабул қилишга мўлжаллангани айтилмоқда.
-
Марказий Осиё мамлакатлари орасида Қозоғистон ислом молиясидан фойдаланиш бўйича етакчи ўринни эгаллайди. Минтақадаги барча исломий молиянинг 68 фоизи ушбу давлат ҳиссасига тўғри келмоқда. Экспертлар Марказий Осиё мамлакатларида исломий молияни ривожлантириш учун катта салоҳият мавжудлигини қайд этиб, келажакда ушбу секторнинг ўсишини таъкидламоқда
-
Исроил Ғазо секторида босқинчилик ва қирғинбарот урушини бошлаганига 280 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.
-
Россия Федерал хавфсизлик хизмати (ФСБ) РФ таркибидаги Адигея Республикасининг Майкоп шаҳрида жойлашган православ черковига Марказий Осиё давлатларидан бирининг фуқароси ҳужум уюштиришни режалаштирганини маълум қилди. Унинг ҳужум режасини ишлаб чиққани, ҳудудда разведка ишларини олиб боргани ва зарур жиҳозларни сотиб олиб, қўлбола ёндирувчи мослама ясагани маълум қилинди.
-
Ўлимлар сони туғилишлар сонидан ошиб кетган Европа Иттифоқи мамлакатлари аҳолиси 2023 йилда миграция ҳисобига кўпайди. Ўтган йил давомида ЕИга аъзо 27 давлатнинг умумий аҳоли сони 447,6 миллиондан 449,2 миллион кишига ошган.
-
Хитойда кредитга асосланган ривожланиш ниҳоят ўсишда тўхтаб, мамлакат ва жаҳон иқтисоди учун жиддий хавфга айланиб бормоқда. Мамлакатда бир ҳафтанинг ўзида 40 та банк ёпилди, яна 3800 та молия муассасаси банкротлик ёқасида. Уларнинг аксарияти ишлаб чиқарувчилар ва маҳаллий ҳукуматларга қарз берган.
-
Марокаш Исроил аэрокосмик концернидан 1 млрд долларга айғоқчи сунъий йўлдош сотиб олишни режалаштирмоқда. Француз нашрлари келишув ўтган ёзда, Исроил Ғазога бостириб киришидан аввал тузилганини тахмин қилмоқда. Бироқ Работ давом этаётган можарога қарамай, келишувни бекор қилмаган. Аввалроқ Марокаш Испаниядан ёқилғи ва озиқ-овқат ғамлаш сўровига рад жавобини олган Исроил ҳарбий кемасига ўз бағрини очган эди.