Европа аҳолиси муҳожир ва қочқинлар ҳисобига кўпаймоқда
Ўлимлар сони туғилишлар сонидан ошиб кетган Европа Иттифоқи мамлакатлари аҳолиси 2023 йилда миграция ҳисобига кўпайди. Ўтган йил давомида умумий аҳоли сони 447,6 миллиондан 449,2 миллион кишига ошган. Буни Европа Иттифоқининг пайшанба куни эълон қилинган маълумотлари тасдиқламоқда.
Eurostat
маълумотларига кўра, Европа Иттифоқининг 20 та давлатида аҳоли сони камайган,
еттита давлатда эса кўпайган. Аҳоли сонининг энг кўп камайиши Италияда (-179
419 киши), энг кўп ўсиши Германияда (1,12 миллион киши) қайд этилган.
Европада 2012
йилдан буён туғилиш даражаси салбий ёки турғун ҳолатда давом этиб келаётган
эди. COVID-19 пандемияси таъсири туфайли 2020 ва 2021 йилларда пасайиш
кузатилган бўлса, кейинги икки йилда кўпаймоқда.
Миграция,
жумладан, Россия босқинидан қочган украиналик қочқинларни ҳам ўз ичига олади,
дейилади Eurostat баёнотида. 2023 йил март ойи ҳолатига кўра, Украинадан 4
миллионга яқин одам ЕИдан вақтинчалик бошпана сўраб мурожаат қилган.
Кўпгина Европа
давлатлари умр кўриш давомийлиги ошиши сабабли аҳолининг қаришини бошдан
кечирмоқда.
Мавзуга алоқадор
-
Туркия БМТ таснифига кўра аҳолиси “кекса” бўлган давлатлар тоифасига кирди. 2023 йил якунлари бўйича мамлакат аҳолисининг 10 фоиздан зиёди 65 ва ундан ошганлардан ташкил топди. Бу кўрсаткич 2060 йилга бориб 22,6 фоизга етиши кутилмоқда.
-
1950 йилдан бери дунё бўйлаб туғилишнинг ўртача коэффициенти ҳар бир аёлга қарийб 5 боладан 2,3 тагача қисқарди. Инсоният барқарор аҳолини таъминлаш учун зарур бўлган 2,1 чегарасига яқинлашмоқда, ушбу кўрсаткичдан камайган тақдирди, инсоният вақт ўтиши билан камайишни бошлайди.
