Польша қрим татарлари депортациясини геноцид деб тан олди
Польша парламенти 1944 йилда қрим татарларининг депортация қилинишини геноцид акти деб тан олган резолюцияни қабул қилди, дея хабар берди TRT. Қарор мутлақ кўпчилик томонидан қўллаб-қувватланди: 414 нафар депутат ёқлаб, 16 нафари қарши овоз берди, икки нафари бетараф қолди.
“1944 йил 18 май куни эрталаб Совет Иттифоқи ҳукумати қрим татарларини Қрим ярим оролидан депортация қилишни бошлади, бор-йўғи уч кун ичида 200 мингга яқин одамни Ўрта Осиё ва Сибирга мажбуран кўчирди”.
Польша қонунчилари Россиянинг 2014 йилда Қримни аннекция қилганини ҳам қоралаб, буни халқаро ҳуқуқ ва БМТ Низомини “қўпол равишда бузиш” деб атади.
“1944 йилда қрим татарларининг Қримдан депортация қилиниши қрим-татар халқига қарши геноцид акти эди”, — дейилади ҳужжатда.
Польша Канада, Украина, Латвия ва Литвадан кейин қрим татарларининг депортациясини геноцид деб тан олган бешинчи давлат бўлди.
Тарихий маълумотлар: 1944 йил 18 майда Иосиф Сталин бошчилигидаги совет режими ўн минглаб қрим татарларини нацистлар билан ҳамкорликда айблаб, Марказий Осиёга сургун қилди. Маълумотларга кўра, депортация қилинганларнинг деярли ярми сургуннинг оғир шароитларида очлик ва касалликдан вафот этган.
.png)
Мавзуга алоқадор
-
ЖАР Исроил БМТнинг 1948 йилги Геноциднинг олдини олиш ва жазолаш тўғрисидаги конвенциясини бузганликда айбламоқда.
-
БМТ Халқаро судида Исроилнинг фаластин халқига нисбатан қатлиоми бўйича ЖАР даъвосини кўриб чиқиш бошланди. Суд мажлисларида Халқаро суд раиси Жоан Донохуэ, ЖАРлик судья Дигганг Эрнест Мосенек, исроиллик судья Аарон Барак иштирок этади.
