Turkiya va Oʻzbekiston oʻrtasida ommaviy axborot vositalari va kommunikatsiya sohalarida hamkorlik qilish toʻgʻrisidagi Ahdlashuv bayonnomasi imzolandi. Bayonnoma bilan, jumladan, qoʻshma yigʻilishlar, seminarlar, amaliy mashgʻulotlar, treninglar va konferentsiyalar tashkil etilib, OAV, aloqa va teleradioeshittirish sohalarida rasmiy shaxslar va ekspertlar oʻrtasida tashriflar almashinuvi ragʻbatlantiriladi.
Turkiya prezidenti Rajab Toyyib Erdogʻan Shavkat Mirziyoevni mamlakatning oliy davlat mukofoti — «Turkiya Respublikasi nishoni» bilan taqdirladi.
Anqarada Oʻzbekiston va Turkiya prezidentlari rahbarligida oʻtkazilgan ikki mamlakat oʻrtasida 19 ta hujjat imzolandi. Bundan tashqari, Shavkat Mirziyoev va Rejep Tayyip Erdogʻan Keng qamrovli strategik sheriklikni chuqurlashtirish toʻgʻrisida qoʻshma deklaratsiyani imzoladilar.
Shavkat Mirziyoev Turkiyaga davlat tashrifi chogʻida Falastin boʻyicha bayonot berar ekan, Oʻzbekiston prezidenti Gʻarb davlatlarining fojiaga boʻlgan munosabati Oʻzbekiston va Turkiyani qattiq xavotirga solayotgani, amalda ikkiyoqlama standartlar kuzatilayotganini taʻʻkidladi. “Tinchlikka erishish uchun mustaqil va ozod Falastin davlati tashkil etilishi shart”, - dedi u.
Anqaradagi Prezident saroyida Oʻzbekiston prezidenti Shavkat Mirziyoev va Turkiya prezidenti Rejep Tayyip Erdogʻanning tor doiradagi uchrashuvi boʻlib oʻtdi. Muzokaralar davomida hukumatlar oldiga tovar ayirboshlashni 5 milliard dollarga etkazish, jumladan, Imtiyozli savdo bitimi doirasida mahsulot turlarini kengaytirish vazifasi qoʻyildi. Istanbul shahrida Oʻzbekistonning savdo vakolatxonasini tashkil etish boʻyicha kelishuvga erishildi.
Oʻzbekiston Respublikasi prezidenti Shavkat Mirziyoev Anqara shahriga rasmiy tashrif doirasida “Turkish Aerospace Industries Inc.” kompaniyasi faoliyati bilan tanishdi.
Isroil Gʻazo sektorida bosqinchilik va qirgʻinbarot urushini boshlaganiga 244 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.
Qozogʻistonda xalq referendumida AES qurilishi maʻʻqullansa, ushbu loyihaga davlat byudjetidan 10-12 mlrd dollar ajratish rejalashtirmoqda. Qozogʻiston prezidenti Qosim-Jomart Toʻqaev 2023 yilning sentyabrʻ oyida AES qurish masalasini umumxalq referendumiga qoʻyishni taklif qilgan edi. AESning 20235 yilgacha foydalanishga topshirilishi aytilmoqda.
Oʻzbekiston TIV AQSh prezidenti Jo Bayden eʻʻlon qilgan Gʻazo sektorida oʻt ochishni toʻxtatish rejasiga munosabat bildirdi. Unda Oʻzbekiston mojarolarni faqat tinch yoʻl va barcha mavjud diplomatik vositalar yordamida hal qilish tarafdori ekani taʻʻkidlangan. “AQShning oʻt ochishni toʻxtatish, garovga olinganlarni ozod qilish va tinch hayotni tiklash boʻyicha tashabbusini olqishlaymiz», — dedi vazirlik vakili.
Oʻzbekiston prezidenti matbuot kotibi Sherzod Asadov oxirgi sakkiz yil ichida Rossiyadagi oʻzbekistonlik mehnat muhojirlari soni kamida toʻrt baravar kamayganini maʻʻlum qildi. U bir necha million oʻzbek fuqarosining vatanga qaytishini Oʻzbekistondagi iqtisodiy islohotlar muvaffaqiyati bilan bogʻladi.