Turkiya va Oʻzbekiston oʻrtasida OAV va kommunikatsiya sohalarida hamkorlik toʻgʻrisidagi hujjat imzolandi

Turkiya va Oʻzbekiston oʻrtasida ommaviy axborot vositalari va kommunikatsiya sohalarida hamkorlik qilish toʻgʻrisidagi Ahdlashuv bayonnomasi imzolandi. Bayonnoma bilan, jumladan, qoʻshma yigʻilishlar, seminarlar, amaliy mashgʻulotlar, treninglar va konferentsiyalar tashkil etilib, OAV, aloqa va teleradioeshittirish sohalarida rasmiy shaxslar va ekspertlar oʻrtasida tashriflar almashinuvi ragʻbatlantiriladi.

Oʻzbekiston prezidenti Shavkat Mirziyoev Turkiya-Oʻzbekiston Oliy darajadagi strategik hamkorlik kengashining 3-yigʻilishida ishtirok etish uchun kecha, 6 iyunʻ kuni rasmiy tashrif bilan Turkiyaga bordi.

Tashrif doirasida Turkiya prezidenti Rajab Toyyib Erdogʻan va Oʻzbekiston prezidenti Shavkat Mirziyoev rahbarligida Prezident qarorgohida boʻlib oʻtadigan imzolash marosimida Turkiya prezidenti huzuridagi Kommunikatsiyalar boshqarmasi boshligʻi Fahrettin Altun va Oʻzbekiston Tashqi ishlar vaziri Baxtiyor Saidov ikki davlat oʻrtasida ommaviy axborot vositalari va kommunikatsiyalar sohasidagi hamkorlikni kengaytirishga xizmat qiluvchi ahdlashuv bayonnomasini imzoladi.

Turkiya prezidenti huzuridagi Kommunikatsiyalar boshqarmasi va Oʻzbekiston prezidenti huzuridagi Axborot va Ommaviy Kommunikatsiyalar Agentligi oʻrtasida imzolangan “Ommaviy axborot vositalari va kommunikatsiyalar sohasida hamkorlik toʻgʻrisida”gi ahdlashuv bayonnomasi bilan ikki davlat oʻrtasida ommaviy axborot vositalari va aloqa sohalarida doʻstona munosabatlarni yanada mustahkamlash va yaqin hamkorlikni oshirish koʻzda tutilgan.

Shunga koʻra, ikki davlat oʻz mamlakatlarida amaldagi qonunlar, qoidalar nizomlar va milliy siyosatlar muvofiq, kommunikatsiya, xalq diplomatiyasi hamda ommaviy axborot vositalari va teleradioeshittirish sohalaridagi manfaatlilik va oʻzaro foyda asosida ikki davlat orasidagi hamkorlikni mustahkamlash, ragʻbatlantirish va rivojlantirishga intiladi.

Bayonnoma bilan ikki davlat oʻrtasida ommaviy axborot vositalari va kommunikatsiya sohasida axborot, tajriba va ilgʻor malakalar almashish, oʻzaro foydali va manfaatli tashabbuslar va loyihalar boʻyicha hamkorlikka erishiladi. Bundan tashqari, qoʻshma yigʻilishlar, seminarlar, amaliy mashgʻulotlar, treninglar va konferentsiyalar tashkil etilib, ommaviy axborot vositalari, aloqa va teleradioeshittirish sohalarida rasmiy shaxslar va ekspertlar oʻrtasida tashriflar almashinuvi ragʻbatlantiriladi.

Bayonnoma 5 (besh) yil davomida amal qiladi.