Turkiya va Isroil pasportlariga ega eng kamida 4 ming sionist 7 oktyabrdan keyin Gʻazoga borib, Isroil armiyasi safida falastinliklarni qirishda ishtirok etmoqda. Ularning 65 tasi jabhada oʻldirilgan, 110 tasi esa turli darajada yarador qilingan. Turkiye gazetasi maʻʻlumotlariga koʻra, Turkiyada ikki fuqarolikka ega 20 ming, Isroilda esa 250 ming isroillik yashaydi. Isroilning “Temir gumbaz” tizimiga masʻʻul general ham Turkiya fuqaroligiga egaligi aniqlangan.
Qatar poytaxti Doha shahrida BMT shafeligida Afgʻoniston boʻyicha uchrashuvlar boʻlib oʻtmoqda. Unda AQSh boshqa bir qator mamlakatlar bilan birga Afgʻonistonning bank va iqtisodiy faoliyatiga qoʻyilgan cheklovlarni bekor qilishga vaʻʻda berdi. Tolibon ushbu vaʻʻdani olqishladi. “Rossiya, Xitoy, Eron, Pokiston, Qozogʻiston, Oʻzbekiston, Qirgʻiziston, Turkmaniston, AQSh va Islom hamkorlik tashkilotining pozitsiyasi olqishga loyiq”, - dedi Tolibon vakili Zabihulloh Mujohid.
Ukrainada 18 iyunʻ kuni suiqasdga uchragan qozogʻistonlik muxolifatchi jurnalist Aydos Sadikov qariyb ikki hafta jonlantirish boʻlimida yotgach, hayotdan koʻz yumdi. Jurnalist va uning rafiqasi 1 milliondan ortiq obunachiga ega «Baza» YouTube-kanalini boshqargan hamda Qozogʻiston rahbariyatini tanqid qilib kelgan. Ukraina politsiyasi jurnalistga suiqasd uyushtirgan ikki qozogʻistonlik shaxsini aniqladi, ulardan biri taslim boʻlgan, ikkinchisi qidiruvda.
Turkiya prezidenti devonining Axborot-kommunikatsiya boshqarmasi rahbari, professor Faxriddin Altun mamlakatdagi suriyalik qochqinlar bilan bogʻliq vaziyat haqida bayonot berdi. Unga koʻra, hukumat mamlakatda salbiy muhit yaratish va jamiyatda qochqinlarga nisbatan keskinlikni kuchaytirishga urinishlarni diqqat bilan kuzatib bormoqda. Altunning maʻʻlum qilishicha, mamlakatda dushman unsurlar boshchiligida barqarorlikni buzishga qaratilagan provakatsion harakatlar boshlangan.
Qozogʻistonda Shanxay hamkorlik tashkiloti (ShHT) davlat rahbarlari sammitiga tayyorgarlik yakunlandi. Sammit 3-4 iyulʻ kunlari Ostona shahrida ShHT+ formatida 16 davlat rahbarlari ishtirokida boʻlib oʻtadi. Bu galgi yigʻilishda Turkiya, Belarusʻ, Moʻgʻuliston, Ozarbayjon, Qatar, BAA va Turkmaniston rahbarlari ham kuzatuvchi maqomida ishtirok etadi. Shuningdek, Belarusning ShHTga toʻlaqonli aʻʻzoligi boʻyicha qaror qabul qilinishi kutilmoqda.
Uchrashuvda Afgʻonistonda yuzaga kelayotgan vaziyat muhokama qilinib, afgʻon xalqiga gumanitar yordamni kengaytirish, jahon hamjamiyatining bu mamlakatga nisbatan umumiy strategiyasini ishlab chiqish zarurligi taʻʻkidlangan. Oʻzbekiston prezidenti Shavkat Mirziyoev BMT bosh kotibi Antoniu Guterrishni “Oliy darajali doʻstlik” ordeni bilan mukofotlagan.
Mamlakatda mazkur muddatdan koʻproq vaqt mobaynida boʻlishni istagan oʻzbekistonliklar Oʻmonga kirish paytida aeroportning oʻzida kirish vizasini rasmiylashtirishlari mumkin. Maʻʻlumot uchun, yangi qaror 14 iyundan kuchga kirgan.
Turkiy davlatlar tashkiloti (TDT) yangi geosiyosiy oʻyinchi sifatida xalqaro maydonga chiqdi. Bu haqda Amerikaning Eurasia Review nashrida tahliliy maqola chop etildi. Maqolada har bir davlat TDTning teng huquqli aʻʻzosi hisoblanishi tashkilotning yutugʻi sifatida eʻʻtirof etilgan. Muallif MDH, Britaniya hamdoʻstligi yoki Frankofoniya singari tashkilotlarda sobiq mustamlakachi davlatlar etakchilik qilishi, qolgan davlatlar esa siyosiy, diplomatik, iqtisodiy va xavfsizlik masalasida kuchlilarning gapiga quloq solishini qoʻshimcha qilgan.
Oʻsh viloyati Novqat tumani Abshir Ota qishlogʻiga sel kelishi oqibatida qurbon boʻlganlarning aksariyati 8 yoshdan 19 yoshgacha boʻlgan bolalar va oʻsmirlardir. Hududda favqulodda holat eʻʻlon qilingan. Oʻsh–Botken avtomobilʻ yoʻlida koʻprik qulab tushgani aytilmoqda.
Turkiya prezidenti huzuridagi Kommunikatsiya boshqarmasi boshligʻi Fahriddin Altun ilgari buni istamagan baʻʻzi davlatlar bugun Falastinni tan olishsa, bunda Turkiyaning diplomatik tashabbuslari bilan bir qatorda qirgʻin va zulm sharoitida oʻz kasbini ado etayotgan muxbir va jurnalistlarning ham ulkan hissasi borligini taʻʻkidladi.