Shveytsariyadagi nomaʻʻlum joyda yopiq eshiklar ortida AQSh shafeligida Sudan hukumatining ishtirokisiz ushbu mamlakatda tinchlik oʻrnatish boʻyicha 10 kunlik muzokaralar boshlandi. Muzokaralarda Saudiya Arabistoni, AQSh, Shveytsariya, BAA, Misr, Afrika Ittifoqi va BMT vakillari qatnashmoqda.

Gʻazoda qatliom uyushtirayotgan Isroil askarlaridan 10 mingdan ziyodi turli jarohatlar, shuningdek, ruhiy buzilishlar bilan Mudofaa vazirligi Reabilitatsiya boshqarmasiga murojaat qilgan. Bosqinchi armiya askarlari asosan tashvish, ruhiy tushkunlik, jarohatdan keyingi qiyinchiliklar, moslashish va muloqotdagi muammolardan shikoyat qilgan. 3700 dan ortigʻi esa bosh, qoʻl-oyoq va koʻzidan jarohat olgan.

Rossiyaning Kursk viloyatiga bostirib kirgan ukrain qoʻshinlari 14 kuni bir martada 102 nafar rus harbiylarini asirga tushirdi. Ukraina Xavfsizlik xizmatining “razvedka boshqarmasi xodimlari tomonidan amalga oshirilgan maxsus operatsiya chogʻida Rossiya Qurolli Kuchlarining 488-gvardiya motooʻqchilar polki va chechenistonliklardan iborat “Axmat” boʻlinmasi askarlari taslim boʻlgan.

Isroil Gʻazo sektorida bosqinchilik va qirgʻinbarot urushini boshlaganiga 314 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

Rossiyada joriy yilning dastlabki uch oyida 145 mingta nikoh va 160 mingta ajralish qayd etildi. Mutaxassislarning taʻʻkidlashicha, ajralishlarga moddiy muammolar emas, koʻproq er-xotin oʻrtasida ruhiy rishtalarning zaifligi, bir-biriga moslashish va muzokara oʻtkazish qobiliyatining yoʻqligi sabab boʻlmoqda. Shuningdek, 30 yoshgacha turmush qurganlar orasida ajrashish kamligi kuzatilmoqda.

Yaponiya sayyohlik agentligi xorijlik sayyohlarning diniy ehtiyojlarini inobatga olgan holda, halol va vegetarian taomlar oʻrin olgan taomnomalarni ishlab chiqish, shuningdek, turizm obʻʻektlarida namozxonalar tashkil etish boʻyicha xududlarni qoʻllab-quvvatlash dasturini ishga tushirdi.

15 avgust kuni AQSh boshchiligidagi Gʻarb qoʻshinlari Afgʻonistonni tark etib, hokimiyat Tolibon qoʻliga oʻtganiga uch yil toʻldi. Shu munosabat bilan 20 yil davomida AQShning asosiy operatsiyadariga tayanch boʻlib xizmat qilgan sobiq "Bagram" bazasida harbiy parad oʻtkazildi. Unda SSSR va Gʻarbdan tortib olingan harbiy texnikalardan foydalanildi.

Tailand bosh vaziri Settha Thavisin 2008 yilda korruptsiya bilan bogʻliq jinoyatda aylanib, 6 oyga qamalgan advokatni Vazirlar Mahkamasiga ishga olgani uchun lavozimidan chetlashtirildi.

Jahon sogʻliqni saqlash tashkiloti mpox – maymunchechak infektsiyasi tarqalishini jahon miqyosida favqulodda holat deb eʻʻlon qildi. Yil boshidan buyon Afrikaning 18 ta davlatida 15 mingdan ortiq holat, 461 ta oʻlim qayd etilgan. JSST infektsiya boshqa qitʻʻalarga ham tarqalishidan xavotirda.

Fitch mojaro 2025 yilgacha davom etishi, boshqa jabhalarda kengayishi, harbiy xarajatlar va qarz yuklarining yanada oshishiga olib kelishidan xavotirda. Agentlikning ogohlantirishicha, mojaro insoniy xarajatlardan tashqari, infratuzilma vayron boʻlishiga va uzoq muddatli iqtisodiy oqibatlarga, jumladan, sarmoya va sanoat faolligining pasayishiga olib kelishi mumkin.