Bombalanayotgan Gʻazo: 314-kunning asosiy voqealari

Isroil Gʻazo sektorida bosqinchilik va qirgʻinbarot urushini boshlaganiga 314 kun boʻldi. 24 soat davomida Gʻazo sektori, Iordan daryosining Gʻarbiy sohili hamda butun Yaqin Sharq hududida sodir boʻlgan asosiy voqealar.

◾️Bosqinchilar Gʻazo markazi va Nuseyrat lageri Xon Yunisga hujum qildi. 24 soat ichida 35 kishi shahid boʻldi. Urush boshlanganidan buyon halok boʻlgani rasman roʻyxatga olingan gʻazoliklar soni 39 965 nafarga etdi, ularning 16 mingdan ziyodi - bolalar, 92 294 kishi jarohatlandi.

◾️Gʻarbiy Sohilda ishgʻolchilar Balat lageriga bostirib kirdi. 2 kishi halok boʻldi, 5 kishi yaralandi. Xalilda fashistlar falastinliklarni ommaviy hibsga oldi. Nablusda esa paygʻambar Yusufning qabriga bostirib kirishdi.

◾️Hizbulloh Beyt Xilel va Kiryat Shmonadagi Isroil kazarmalariga Katyusha raketalarini uchirdi.

◾️Al-Qassam brigadalari Rafahdagi Indoneziya kasalxonasidagi bosqinchilarga hujum qildi.

◾️BMT: Gʻarbiy Sohilda yaralangan bolalar soni ortdi. 7 oktyabrdan buyon 1411 nafar bola bosqinchilar qoʻlidan oʻq jarohati olgan.

◾️Isroil havo kuchlarining Livan janubidagi Merk-Uyun shahriga uyushtirgan zarbasi oqibatida 2 kishi halok boʻldi, 4 kishi yaralandi.

◾️Kolumbiya universiteti prezidenti Gʻazodagi urush yuzasidan bir necha oy davom etgan talabalar noroziliklaridan soʻng isteʻʻfoga chiqdi.

◾️Avstraliyada taniqli pianinochi Jeyson Gillxem 11 avgust kuni Gʻazo sektorida jurnalistlarning oʻldirilishini qoralagani sababli Melʻburn simfonik orkestri (MSO) uning boʻlajak kontsertini bekor qildi.

Mavzuga aloqador

Eng ko‘p o‘qilgan

Tavsiya qilingan