Замонавий дунёмизда содир бўлаётган барча можароларни – Ғазо ва Фаластиндан тортиб, Венесуэла, Колумбия, Африка мамлакатлари ҳамда Украинагача кўриб чиқсак, бу можаролар ва урушларнинг негизида АҚШ, Британия, Франция ва бошқа мустамлакачиларнинг етакчилик мавқейини сақлаб қолиш йўлидаги уринишлари эканини кўрамиз. Улар, шунчаки, ўзларининг ҳарбий устунлиги, ҳалокатли қуролларга эгалиги ва бойлигига таяниб, ўз гегемонлигини исботлашга уринмоқда. Бироқ тарих империялар фақат бойлик ва ҳарбий куч-қудратнинг ўзи билан яшай олмаслигини ҳисобсиз равишда исботлаган. Империянинг ахлоқий, сиёсий ва ижтимоий таназзули унинг муқаррар заволидан дарак беради.

Исроилнинг Шин Бет хавфсизлик агентлиги раҳбари Ронен Бар Ғарбий Соҳилда яҳудий келгиндилар террори назоратдан чиқиб кетгани учун бош вазир Беньямин Нетаняху, миллий хавфсизлик вазири ИТамар Бен-Гвир ва бошқаларни танқид қилди. Бар Ғарбий Соҳилда “Тепалик ёшлари” деган ном билан танилган, фаластинликларга қарши қотиллик, ўт қўйиш ва қўрқитиш кампаниясини олиб бораётган яҳудий экстремистларнинг хатти-ҳаракатларини жиноят сифатида эмас, балки терроризм сифатида таснифлаш кераклигини айтди.

Ўзбекистон тарихида биринчи марта имом-хатиблар юксак давлат мукофотига сазовор бўлди. Президент Шавкат Мирзиёев фармони билан уч нафар имом-хатиб “Имом Бухорий” ордени билан тақдирланди.

Ливияда охирги икки ойда вазият кескинлашди. Пойтахт Триполи яқинида қуролли тўқнашувлар рўй берди, Марказий банкни 12 йилдан буён бошқариб келаётган Сиддиқ Ал-Кабир истеъфосини талаб қилган қуролли шахслар МБ бош идорасига ҳужум қилди. Томонлар халқаро ҳамжамият босими остида Триполидаги муҳим давлат идоралари хавфсизлигини таъминлашга келишиб олди. Айни пайтда мамлакат БМТ тан олган Абдулҳамид Дбейба ҳукумати ва шарқни назоратга олган ҳарбий етакчи Халифа Хафтар томонидан иккига бўлинган.

Украина президенти Владимир Зеленский мамлакат мустақиллигининг 33 йиллиги муносабати билан Россия чегараси яқинидан йўллаган видеомурожаатида Украинага бегона ҳудудлар эмас, 6992 километрлик чегара бўйлаб тинчлик ва осойишталик кераклигини маълум қилди.

Исроил Ғазо секторида босқинчилик ва қирғинбарот урушини бошлаганига 323 кун бўлди. 24 соат давомида Ғазо сектори, Иордан дарёсининг Ғарбий соҳили ҳамда бутун Яқин Шарқ ҳудудида содир бўлган асосий воқеалар.

Ҳусийлар Қизил денгизда Юнонистоннинг MV Sounion нефть ташувчи кемасига ҳужум уюштирди. Ҳужум натижасида кемада кучли портлаш содир бўлди. Британия кема экипажи қутқарилгани, бироқ унинг ўзи жиддий шикастланиб, денгизда қолиб кетганини маълум қилди.

Германиянинг Шимолий Рейн-Вестфалия вилоятида Солинген шаҳрининг 650 йиллигига бағишланган фестивал чоғида номаълум шахс пичоқ билан одамларга ҳужум қилди. Ҳодисада уч киши ҳалок бўлди, беш киши оғир яраланган. Ҳужумчи қочишга улгурган, ҳозирда у қидирилмоқда.

АҚШ бошчилигидаги глобал кучлар Афғонистонга бостириб кирганидан сўнг 20 йил ўтиб, 2021 йил августида мамлакатни тарк этди. Ҳокимият Толибон қўлига ўтди. Орадан уч йил ўтиб, Толибон аста-секинлик билан халқаро миқёсда тан олинмоқда. Экспертлар БАА Толибон томонидан тайинланган элчи, Қозоғистон эса ишончли вакилдан ишонч ёрлиқларини қабул қилиб олгани Афғонистон учун янги сиёсий ва иқтисодий истиқболлар очишини таъкидламоқда.

Волгограддаги 19-сонли жазони ижро этиш муассасасида тўрт нафар ИШИД тарафдори бўлган маҳбус ғалаён кўтариб, бир қанча соқчиларни ўлдирди, айримларини асирга олди. Маҳбусларнинг икки нафари ўзбекистонлик, икки нафари тожикистонлик. Ярим соатлик штурм давомида асирлар озод қилинди, бир исёнчи ўлдирилди, икки нафари ярадор бўлди.