Қозоғистон Сурияда собиқ ҳукумат кучларига қарши курашган “Ҳайъат Таҳрир аш-Шом” гуруҳини террорчилик ташкилотлари рўйхатига киритмаганини қайд этди. Бу ҳақда Қозоғистон Ташқи ишлар вазири ўринбосари Алибек Бақоев BES.media нашрига берган интервьюсида маълум қилди.

Грузия ҳукуматининг Европа Иттифоқига аъзо бўлиш бўйича музокараларни 2028 йилгача тўхтатиб қўйиш қарорига қарши намойишлар 22 кундан бери давом этмоқда. Намойишчилар кечаси яна пойтахт Тбилиси кўчаларига чиқиб, ҳукумат ҳаракатларидан норозилигини билдиришди.

Россияда мусулмон жамоаси учун шаръий кўпхотинлиликка оид янги фатво қабул қилинди. Россия Федерацияси Мусулмонлар диний бошқармасининг Уламолар кенгаши томонидан қабул қилинган ушбу ҳужжат, эркакларга муайян шартларга риоя қилган ҳолда тўрттагача хотин олиш имкониятини беради.

Марокашнинг Буузника шаҳрида Ғарбий ва Шарқий Ливия қонун чиқарувчи органлари вакиллари ўртасида музокаралар бошланди. Бу учрашув Ливияда 2014 йилдан бери давом этиб келаётган сиёсий бўлинишга чек қўйиш ва мамлакатни бирлаштириш мақсадида ўтказилмоқда. Ливия Муаммар Қаддафий режими ағдарилгандан кейин иккига бўлинган.

Исроиллик кўчманчилар Ливаннинг жанубий ҳудудларига бостириб кириб, Марун ар-Рас шаҳрида чодирлар қура бошлашди. Улар ижтимоий тармоқларда Ливан ҳудудида олинган суратлар ва селфиларни жойлаштириб, маҳаллий аҳоли ва халқаро ҳамжамият эътирозини келтириб чиқарди. Исроил кучлари нафақат чегара ҳудудларига, балки Ливан жанубидаги шаҳар ва қишлоқларга ҳам мунтазам зарар етказмоқда.

Баас режими ағдарилиши билан Сурияда қидирув ва қазиш ишлари фаол равишда давом этмоқда. Пойтахт Дамашқ ва жанубий Дараа шаҳрида бир нечта оммавий қабрлар аниқланди. Бағдод кўприги яқинида топилган оммавий қабрда турли қамоқхоналарда қийноқлар туфайли ҳалок бўлганлар кўмилгани маълум бўлди.

Ўзбекистон президенти Шавкат Мирзиёев телефон орқали мулоқотда Россия президенти Владимир Путинга РФ генералига уштирилган суиқасд муносабати билан ҳамдардлик билдириб, терактни кескин қоралади.

Бугун биз устимизга кийиб юрган Хитой либосларини ишлаб чиқариш қанчага тушганини биласизми? Шу туфайли, қанчадан-қанча болалар онасиз қолган, қанча эркаклар қулдек ишлатилган, қанча аёллар хўрлик ва таҳқирларни бошидан кечирган!? Биз кийган ҳар бешинчи пахталик кийим нисбатан мана шундай оғир шароитларда, зулм остида ишлаб чиқарилиши хаёлингизнинг бир четидан бўлса ҳам ўтганми?!

Россия президенти генерал Игор Кирилловнинг ўлдирилишини Украина томонидан уюштирилган теракт деб атади. Унинг сўзларига кўра, бу Киев режими содир этган биринчи теракт эмас. У тинч аҳолига қарши амалга оширилган ҳужумлар ва Россия ҳудудидаги бошқа жиноятларни мисол сифатида келтирди.

Бундан роппа-роса 6 йил муқаддам – 2018 йил 19 декабрь куни Суданда аҳоли ҳаёт харажатлари қимматлашиб кетгани ва иқтисодий қийинчиликлар сабабли кўчаларга чиқди. Намойишлар 1989 йилда давлат тўнтариши билан ҳокимиятга келган Умар ал-Башарнинг ағдарилишига олиб келди. Бироқ мамлакатда халқ кутган тинчлик, адолат ва барқарорлик ўрнатилмади. Миллионлаб инсонлар ўз уй-жойларини ташлаб кетди, уруш ва очлик ҳукмрон мамлакатни дунё унутди гўё.