Хитой "Шинжонга ёрдам ва ҳудудни ривожлантириш" шиори остида Шарқий Туркистоннинг табиий бойликларини ўзлаштириш ва мажбурий меҳнат марказларини кенгайтиришга қаратилган 500 та йирик лойиҳани амалга оширмоқчи.

Туркиянинг "Yeni Şafak" нашри ўзбекистонликларнинг аксарияти мамлакатда Хитойнинг таъсири ортиб бораётгани ва бунга ҳукуматнинг томошабин бўлиб турганидан норози экани ҳақида ёзди.

Ўзбекистон қонунчилиги талабларига мувофиқ 20 мартдан бошлаб Хитойнинг Temu платформасидан фойдаланиш белгиланган тартибда чекланади. Солиқ қўмитаси Хитой маркетплейси фаолиятини ўрганиш жараёнида электрон тижорат, чакана савдо, реклама, шахсий маълумотларни ҳимоя қилиш, истеъмолчилар ҳуқуқларини ҳимоя қилиш, муаллифлик ҳуқуқи ва турдош ҳуқуқлар соҳасидаги қонун ҳужжатлари талабларига риоя этмаётганини аниқлаган.

Расмийларнинг айтишича, Temu солиқ ва божхона тўловларидан қочмоқда, шунингдек, 2024 йилда Ўзбекистондан 10 миллион доллар миқдордаги валютани олиб чиқиб кетган.

Хитой ўз Қуролли кучлари ҳақидаги маълумотларни интернетда эълон қилишни чекловчи янги қоидаларни жорий этди. Бу дунёдаги энг йирик армия фаолиятини кузатишни чеклаши мумкин. Қайд этилишича, ушбу қоидалар 1 мартдан бошлаб кучга киради.

Хитой Афғонистон билан темир йўл алоқасини йўлга қўйди ва Қозоғистон ҳамда Ўзбекистон орқали янги йўналишда биринчи юк поездини жўнатди.

Сўнгги пайтларда Хитой миллардлаб доллар сармоя киритаётган Покистон ва Тожикистонда хитойликларга тез-тез ҳужумлар уюштирилмоқда. Мутахассислар бу каби ҳолатлар Хитойнинг кейинги сармояларни киритишига тўсқинлик қилиши мумкинлигини айтмоқда. Айрим кузатувчилар эса аксинча, Хитой ўз фуқароларини ҳимоя қилиш мақсадида ҳарбий аралашувни кучайтириши мумкин.

TikTok фойдаланувчилари иловадаги уйғурлар ҳуқуқлари бузилишига оид видеолар оммавий равишда ўчирилгани ҳақида хабар беришни бошлади. Бундан ташқари, Хитой сиёсатини танқид қилувчи контентлар ҳам олиб ташланмоқда.

Қирғизистон Хитойдан келаётган сайёҳлар учун визасиз режим жорий қилди. Эндиликда Хитойдан Қирғизистонга келган 5 дан 25 кишигача бўлган гуруҳлар мамлакатда 21 кун давомида визасиз қолиши мумкин бўлади. Қирғизистон ҳукумати ушбу қарорни туризмни ривожлантириш нияти билан изоҳлади.

Ғарбнинг 15 давлати Хитойдан ҳибсга олинган барча уйғурлар ва тибетликларни озод қилиш ҳамда ҳуқуқ фаолларига яшаш жойларига боришига рухсат бериш талаб қилинган оммавий баёнотни имзолади.