28.08.2025 10:31
39
Хитойдаги ғалаба парадида Мирзиёев ҳам қатнашади
Хитой Япониянинг Иккинчи Жаҳон урушидаги мағлубияти муносабати билан бўлиб ўтадиган “Ғалаба куни” парадига жиддий тайёргарлик кўрмоқда. Ушбу парад Хитой раиси Си Цзиньпин учун йирик тадбирлардан бири ҳисобланади. Парадда энг сўнгги зенит ракеталари, жанговар дронлар ва ядровий баллистик ракеталар ҳам намойиш этилиши кутилмоқда.
Bloomberg нашрининг ёзишича, Пекин бу орқали ҳатто АҚШга ҳам зарба бера оладиган қуроллари борлигини билдириб қўймоқчи.
CCTVнинг маълум қилишича, Хитойдаги хотира тадбирларида 26 мамлакат етакчилари қатнашади. Телеканал таклиф этилган меҳмонлар рўйхатини келтирди. Жумладан меҳмонлар рўйхатида Россия президенти Владимир Путин, КХДР раҳбари Ким Чен Ин, Эрон президенти Масъуд Пезешкиён, Қозоғистон президенти Қосим-Жўмард Тўқаев, Ўзбекистон президенти Шавкат Мирзиёев ва бошқа сиёсатчилар ҳам бор.
Ҳарбий парад 3 сентябр куни ўтказилади. Бу тадбирлар аксиляпон кайфиятида ўтишини назарда тутиб, ўтган ҳафта Япония ҳукумати ўз дипломатик каналлари орқали Осиё ва Европа мамлакатларини Пекиндаги хотира тадбирларида қатнашмасликка чақирган.
