Судан Соғлиқни сақлаш вазирлиги Кеселе ва Гадариф вилоятларида 128 та янги вабо ҳолати қайд этилгани, умумий касалланганлар сони 1351 нафарга етгани ҳамда уларнинг 56 нафари ҳаётдан кўз юмганини маълум қилди. Мамлакатда давом этаётган сув тошқинлари қурбонлари сони эса 138 нафарга етди.

"Судандаги можаро жуда юқори кескинликка эга бўлиши мумкин, лекин Ғарб учун Украина ёки Ғазо сингари геосиёсий аҳамиятга эга эмас. Украина Европанинг хавфсизлиги учун аҳамиятли, Судан ҳақида эса бундай дея олмаймиз. Шунинг учун Киев Ғарбнинг барча ғамхўрликларига лойиқ. Суданга эса қотган нонни ҳам раво кўришмайди. Ғазо ҳам Исроил босқинчилари ҳақида доим қайғурадиган АҚШ ва унинг ҳамкорлари нуқтаи назаридан қаралганда бирламчи масала..."

Суданда ҳукумат армияси ва Тезкор ҳаракат кучлари ўртасидаги тўқнашувлар бошланганига 500 кун бўлди. Бу давр мобайнида мамлакат ҳар томонлама таназзулга юз тутди, 19 мингга яқин инсон ҳалок бўлди, 10 миллиондан зиёж киши уй-жойларини ташлаб кетишга мажбур бўлди.

Швейцариядаги номаълум жойда ёпиқ эшиклар ортида АҚШ шафелигида Судан ҳукуматининг иштирокисиз ушбу мамлакатда тинчлик ўрнатиш бўйича 10 кунлик музокаралар бошланди. Музокараларда Саудия Арабистони, АҚШ, Швейцария, БАА, Миср, Африка Иттифоқи ва БМТ вакиллари қатнашмоқда.

Сўнгги уч кун ичида Суданнинг Нил дарёси вилоятида содир бўлган сув тошқинлари оқибатида 34 киши ҳалок бўлди, яна 588 киши жароҳатланди. Июнь ойидан буён давом этаётган тошқинларда жами 77 киши ҳаётдан кўз юмди. Минглаб инсонлар бошпанасидан айрилди.

Суданда расман очарчилик эълон қилинди. Мамлакатдаги ҳарбий гуруҳлар ўртасида 15 ойдан зиёд вақтдан буён давом этаётган ички урушлар натижасида 48 миллионлик аҳолининг ярмидан кўпи очликдан азият чекмоқда, ҳар 10 минг кишидан икки нафар катта ёшли ёки тўрт бола ҳар куни тўйиб овқатланмаслик ва очликдан вафот этмоқда.

Судан армияси мамлакат раҳбари генерал Абдулфаттоҳ ал-Бурҳон ҳарбий қисмга иккита учувчисиз учоқ ҳужуми амалга оширилгани натижасида енгил жароҳат олганини маълум қилди. Ҳодисада камида беш киши ҳалок бўлган, бир қанча ҳарбийлар жароҳатланган. Армия Тезкор кўмак кучларини айбламоқда. Мамлакатда давом этаётган 15 ойлик фуқаролик урушида 18 мингдан зиёд киши ҳалок бўлди.

Суданда ҳукумат армияси ва ҳарбийлашган Тезкор Ҳаракат Кучлари ўртасида 15 ойдан буён давом этаётган тўқнашув туфайли энг камида 16 минг киши ҳалок бўлди, 7,2 миллиондан зиёд киши ўз уйларини ташлаб кетди. Шунингдек, 23 миллион киши тўйиб овқатланмаслик, 750 минг киши эса буткул очарчилик ёқасида.

Туркиянинг Табиий офатлар ва фавқулодда вазиятлар бошқармаси (AFAD) томонидан тайёрланган 2408 тонна инсонпарварлик ёрдами юкланган кема Туркиянинг Мерсин халқаро портидан Суданга йўл олди. 160 тонна дори-дармон ва тиббий асбоб-ускуналар, 128 тонна кийим-кечак, 90 тонна гигиена воситалари, 44 тонна кўрпа-тўшак ва турли бошпана материаллари ортилган кеманинг 19-21 июль кунлари Суданга етиб бориши кутилмоқда.

Бугун, Қурбон ҳайити муносабати билан Туркиянинг дин ишлари бўйича бошқармаси ва диний жамғармаси (ТДЖ) иштирокида 1500 бош чорва моллари қурбонлик қилинди. Маълумот учун, бир йилдан буён фуқаролик урушидан азият чекаётган 50 миллион аҳолига эга Суданда 15 минг тинч аҳоли қурбон бўлди, 25 миллион киши очликдан азият чекмоқда ва 11 миллион киши ўз уйларини тарк этган. Украинадаги уруш ҳақида жар солаётган халқаро ҳамжамият Судандаги мавжуд ҳолатга кўз юммоқда.