Қирғизистон паспортлари бўйича маслаҳатчи Михаил Жуховицкий жорий йилнинг 24 январидан кейин топширилган аризалар кўриб чиқилмаслигини маълум қилди. "Қирғизистонни унутинг. Энди фуқаролик олиш имконсиз. Ҳар қанча пул эвазига ҳам", деган у.

Россия Афғонистон Ислом Амирлигини расман тан олган дунёдаги биринчи давлатга айланди. Рус дипломати Дмитрий Жирновнинг айтишича, Путин Россия ташқи ишлар вазири Сергей Лавров таклифи билан Афғонистон Ислом Амирлигини тан олишга қарор қилган. Бу қарор эса "Россиянинг Афғонистон билан тўлақонли шериклик ўрнатишга бўлган интилишини намойиш этади".

Россия ва Озарбайжоннинг давлатлараро муносабатларидаги муаммолари СССР тарқалиши даврида бошланган. Қорабоғ можаросининг дастлабки йилларида Озарбайжон жамияти Россияга нисбатан анча мойил эди. Бироқ 1990 йилнинг январида Совет қўшинларининг Бокуга киритилиши Озарбайжонда Россияга бўлган муносабатга салбий таъсир кўрсатди. Айнан 1990 йил 20 январда Москва аслида Озарбайжонни йўқотди. Озарбайжонда “Қора январь” номини олган ушбу воқеа жамоатчилик онгида Россиянинг босқинчилик сиёсати ҳақидаги қарашларни пайдо қилди.

Маданият вазирлигининг ушбу қарори Россия ҳуқуқ-тартибот органларининг Екатеринбургдаги ҳаракатларига жавобан қабул қилинган. У ерда муҳожирларга қарши кенг кўламли рейдлар ўтказилиб, 50 дан ортиқ озарбайжонлик қўлга олинганди. Озарбайжон ТИВ Россия хавфсизлик кучларининг бу ҳаракатларини "қабул қилиб бўлмас зўравонлик" деб атаган.

Ушбу ҳалол ресторан шаҳар марказида жойлашгани билан аҳамиятлидир. Овқатланиш муассасаси оилавий форматда ишлайди: бу ерда спиртли ичимликлар таклиф қилинмайди. Лойиҳа асосчиси, тадбиркор Радик Минихановнинг айтишича, ресторан менюсида Қозоғистон, Ўзбекистон, Чеченистон, Татаристон ошхоналарига хос таомлар мавжуд.

Россия таълим вазири Сергей Кравцов Давлат Думасидаги мажлисда сўзга чиқиб, МДҲ мамлакатларидаги тарих дарсликларида Россияга нисбатан салбий муносабат борлигини иддао қилди. Унинг айтишича, бундай ёндашув айниқса, совет даврига тўғри келади. Шу боис таълим вазирлиги, МДҲ давлатлари билан ягона тарихий ўтмишни талқин қилиш бўйича ёндашувларни келишиш устида ишламоқда.

Имтиҳонда тинглаб тушуниш топшириқлари сони иккитадан тўрттагача оширилади. Имтиҳонни муваффақиятли топшириш учун мажбурий минимал балл белгиланади. Худди шундай мажбурий баллар тизими гапириш бўлими учун ҳам жорий этилган. Бу баллар вақтинчалик яшаш учун рухсатнома ёки доимий яшаш ҳуқуқини олиш учун талаб этилади. Ўзгартиришлар 2025 йил 10 июлдан кучга киради.

Эрон-Исроил можароси Россия ва Хитой учун тўғридан-тўғри ҳарбий аралашув эмас, балки стратегик имконият сифатида намоён бўлади. Россия – минтақадаги сиёсий таъсирини сақлаш ва Ғарбга босим ўтказишни мақсад қилган бўлса, Хитой – энергетика хавфсизлиги ва “Бир камар – бир йўл” лойиҳаси доирасида иқтисодий барқарорликка эришишни кўзлайди.

Саудия Арабистонида Ҳаж зиёратини адо этган ва БАА орқали ватанига қайтиши керак бўлган жами 150 нафарга яқин россияликдан иборат уч гуруҳ Шаржа рейсини тўрт кундан бери кутмоқда. Кечикишларга исроилнинг Эронга қарши агрессияси фонида форс давлати ҳаво ҳудудининг ёпилиши сабаб бўлмоқда.

Россия Ички ишлар вазири ўринбосари Виталий Яковлевнинг иддао қилишича, мамлакатдаги мигрантлар орасида энг кўп жиноятни ўзбекистонликлар содир этяпти. Унга кўра, жорий йилнинг биринчи чорагида хорижликларга тегишли жиноятларнинг 35,5 фоизи Ўзбекистон фуқароларига тўғри келади. Бу борадаги иккинчи ва учинчи ўринларни мос равишда тожиклар ҳамда қирғизлар эгаллаган. Олдинроқ, Россия қамоқхоналаридаги марказий осиёликлар мажбуран урушга юборилаётгани ҳақида хабар бергандик.