Россия президентининг халқаро масалалар бўйича ёрдамчиси Юрий Ушаков февраль ойида Владимир Путиннинг Туркияга ташрифига тайёргарлик кўрилаётганини маълум қилди. У Украина мавзуси музокараларнинг асосий мавзуси бўлишини айтди.

Туркия президенти Ражаб Тоййиб Эрдўғон Диёнат академиясининг илк битирувчиларига диплом топшириш маросимида иштирок этди. Ўқув машғулотларида 3120 нафар имом‑хатиб, 250 нафар муаззин-қаййим, 1167 нафар Қуръон курси ўқитувчилари ва жами 4537 нафар номзод диний хизматчилар таҳсил олди.

Туркия президенти Ражаб Тоййиб Эрдўғаннинг Анталия Дипломатик форумидаги нутқида Исроилнинг Ғазодаги хунрезликлари, уруш жиноятлари оқибатлари, халқаро ҳамжамиятнинг тутаётган йўли, Туркиянинг Ғазо ва фаластинликларга кўрсатаётган ёрдами ва бошқаларга тўхталиб ўтди. Асосий иқтибослар

Украина президенти Владимир Зеленский расмий ташриф билан Туркияга келди. У Истанбул шаҳрида Туркия президенти Ражаб Тоййиб Эрдўғон билан ёпиқ эшиклар ортида учрашди. Учрашувдан сўнг ҳар икки давлат раҳбарлари журналистлар учун баёнот берди. Баёнотдаги асосий фикрлар.

Туркия президенти Ражаб Тоййиб Эрдўғон Анқара ёзгача террор таҳдидини йўқ қилиш ва Ироқ билан чегарадаги хавфсизликни тўлиқ кафолатлаш, шунингдек, Сурияда давом этаётган операцияларни якунлаш ниятида эканини маълум қилди

Ўзбекистон президенти Шавкат Мирзиёев қисқа муддатли меҳнат таътилига чиқди. Туркия президенти Ражаб Тоййиб Эрдўғон эса 12 йиллик танаффусдан сўнг илк бор Ироққа бир кунлик ташриф билан бормоқда. Озарбайжон раҳбари Илҳом Алиев Россияга ташриф буюрди.

Москва ва Анқара муносабатлари яна янги инқироз ёқасида турибди: бунинг белгиси сифатида Россия етакчиси Владимир Путиннинг Туркияга ва шахсан президент Ражаб Тоййиб Эрдўғон "манзили"га қарата айтган аччиқ гапларини келтириш мумкин. Июнь ойида Путин Санкт-Петербург халқаро иқтисодий форуми доирасида Анқарани Киевга ҳарбий ёрдам бергани учун қоралади ва Эрдўғон бошчилигидаги ҳукумат Ғарб молия институтлари билан кўпроқ "ош-қатиқ" бўлаётганидан норозилигини ифодалади.

Туркия президенти Ражаб Тоййиб Эрдўғон Анқара Грециянинг Ғарбий Тракия ҳудудида яшовчи турк озчилигининг ҳуқуқларини ҳимоя қилишда давом этишини маълум қилди. Унинг сўзларига кўра, Туркия Греция расмийларининг мамлакатдаги этник турклар билан боғлиқ қадамларини диққат билан кузатиб бормоқда ва керак бўлса, вазиятга аралашишга тайёр.

Туркия ва Сурия махфий хизматлари вакиллари икки томонлама муносабатларни нормаллаштириш ҳамда президентлар Ражаб Тоййиб Эрдўғон ва Башар Асаднинг 2011 йилдан бери илк учрашувини ташкил этиш бўйича сўнгги бир ой ичида уч марта музокаралар ўтказди. "Воқеалар жадал ривожланмоқда, ҳар икки етакчи энг кечи август охирида биргаликда суратга тушишади", дейилади хабарда.

2013 йилда давлат тўнтариши уюштириб, Муҳаммад Мурсийнинг қонуний ҳукуматини ағдарган Абдулфаттоҳ Сиси 12 йил ўтиб Туркияга келди. Ушбу ташриф доирасида мудофаа, энергетика, савдо-сотиқ ва бошқа соҳалардаги ҳамкорликни ривожлантириш масалалари кўриб чиқилади. Икки давлат раҳбарлари минтақавий муаммолар, жумладан, Ғазо сектори ва ишғол остидаги Фаластин ерларига ҳужумлар бўйича фикр алмашмоқчи.