Қирғизистоннинг Ўш шаҳрида янги қонунга риоя қилинишини таъминлаш кампанияси доирасида полиция ходимлари текширувлар ўтказди. Қарийб 300 нафар муслима аёл ниқобини ечишга мажбурланиб, уларга оғзаки огоҳлантириш берилган. Олдинроқ, мамлакатда аёлларнинг ниқоб билан юришини тақиқловчи қонун қабул қилиниб, 1-февралдан бошлаб тақиқни бузганлик учун 20 минг сом (тахминан 230 АҚШ доллари) миқдорида жарима белгиланганди.

Ўзбекистон, Қирғизистон ва Тожикистон етакчилари уч давлат чегарасини аниқлаш бўйича муҳим шартномани имзолашга келишиб олди. 31-март куни Хўжандда имзоланадиган бу ҳужжат йиллар давом этган баҳсларга барҳам бериб, минтақавий ҳамкорликни мустаҳкамлашга хизмат қилиши айтилмоқда

Қирғизистонда энди фуқаролар мурожаатини кеч ҳал қилган амалдорлар жарима тўлайди. Маҳаллий нашрларнинг ёзишича, қўшни мамлакатда амалдорларнинг жазоларини монетизация қилиш режалаштирилмоқда.

Қирғизистон президенти Садир Жапаров даъватчилик фаолиятини чекловчи қонунни қабул қилди. Ҳужжатга кўра, уйма-уй юриб динга тарғиб қилиш тақиқланди. Жапаров динга қарши эмаслигини таъкидлаб, исломга даъват ҳеч кимга ноқулайлик туғдирмайдиган ҳолатда, масалан, тўй-ҳашам, жаноза, бозор ва бошқа гавжум жойларда ўтказиш зарурлигини таъкидлади.

Қирғизистон Миллий хавфсизлик давлат қўмитаси раҳбари Қамчибек Ташиев 2025–2026 йилларда мамлакатда коррупция тўлиқ йўқотилиши, бунинг учун қаттиқ қонунлар қабул қилинишини билдирди. Шунингдек, у ҳуқуқ-тартибот органлари ходимларини уйдирма ишлар ва айбсиз инсонларни тақиб қилишдан огоҳлантирди.

Қирғизистон Жогорку Кенеши (парламенти) милиционерларни обрўсизлантириш мақсадида видеога олишни тақиқлашни назарда тутувчи қонун лойиҳасини рад этди. Лойиҳада милиция ходимларининг хизмат фаолиятини суратга олиш ва бу материалларни тарқатган шахсларга нисбатан жарима ёки ҳибсга олиш жазосини қўллаш таклиф этилган эди.

Қирғизистон Миллий хавфсизлик давлат қўмитасининг Бишкекда очилган янги биносида ходимлар учун намозхона ташкил этилди. Бўлимга ташриф буюрган МХДҚ раиси Қамчибек Ташиев хавфсизлик ходимларини мамлакат келажаги учун ишлаш, қонунларни бузмасликка чақирди.

Бир қатор давлатлар, жумладан, Қозоғистон, Қирғизистон ва Озарбайжон ўз фуқароларини Украинани тарк этишга чақирди. Украина Ғарб тақдим этган ракеталардан Россия ҳудудига зарбалар беришни бошлади. Россия бунга жавоб беришга тайёрланмоқда.

Қирғизистонда ҳокимиятни зўравонлик йўли билан эгаллаб олишни режалаштиришда гумонланиб 7 киши, жумладан, 3 нафар асли қирғизистонлик бўлган хориж фуқароси, шунингдек, собиқ бош прокурор ўринбосари ушланди. Қўлга олинганлардан қурол-яроғ, ўқ-дорилар ва дронлар мусодара қилинган.

Қирғизистон Хитойдан келаётган сайёҳлар учун визасиз режим жорий қилди. Эндиликда Хитойдан Қирғизистонга келган 5 дан 25 кишигача бўлган гуруҳлар мамлакатда 21 кун давомида визасиз қолиши мумкин бўлади. Қирғизистон ҳукумати ушбу қарорни туризмни ривожлантириш нияти билан изоҳлади.