Покистоннинг собиқ бош вазири Имрон Хон қамоқдан туриб парламент депутатлигига ўз номзодини қўйиш ниятида.

Ислом инқилоби қўриқчилари корпуси Покистоннинг Эрон билан чегарадош Балужистон вилоятида жойлашган “Жайш ал-Адл” (“Адолат армияси”) террорчилик гуруҳининг асосий базасига баллистик ракета ва учувчисиз самолётлар ёрдамида ҳужум уюштирди. Покистон томони бу ҳужумни мамлакат ҳаво ҳудудини асоссиз бузиш деб атади ва 2 боланинг ҳалок бўлгани, 3 бола жароҳатланганини маълум қилди.

Эрон томонидан Покистон ҳудудига ракета зарбалари берилгани ортидан Исломобод Теҳрондаги элчисини чақириб олди. Покистон разведкасидаги манба ушбу ҳужумга жавоб беришнинг барча имкониятлари кўриб чиқилаётганини маълум қилди.

Эрон Ислом инқилоби қўриқчилари корпуси полковниги Ҳусайн Али Жавиданфер Систон-Балужистон вилоятидаги Зоҳидан-Хаш трассасида номаълум шахслар томонидан қуролли ҳужум натижасида ҳалок бўлди.

Бугун эрталаб Покистон Эроннинг Систон ва Балужистон вилоятидаги террорчилар масканларига юқори даражада мувофиқлаштирилган ва аниқ мақсадли бир қатор ҳарбий зарбалар берди. Бу ҳақда Покистон ТИВ маълум қилди. Эрон расмийлари, ўз навбатида, Покистоннинг Эрон ҳудудига ракета ҳужуми натижасида уч аёл ва тўрт бола ҳалок бўлганини билдирди.

Покистон ва Эрон бир-бирларининг ҳудудларидаги “террористлар объектлари”га ҳаво ҳужумларини уюштирганидан сўнг вазиятни юмшатиш ва ярашиб олишга қарор қилди. Ҳар икки томондан 11 тинч аҳоли вакили, жумладан, 3 аёл ва 6 бола ҳалок бўлгани билдирилди...

Эрон ташқи ишлар вазири Ҳусайн Амир Абдуллоҳийн душанба куни Исломободда Покистон ТИВ раҳбари Жалил Аббос Жилоний билан учрашди. Томонлар икки давлат ўртасида ҳеч қандай чегара даъволари йўқлигини ҳамда терроризмга қарши биргаликда курашиш режасини маълум қилди.

Покистон суди сешанба куни собиқ бош вазир Имрон Хонни давлат сирларини ошкор қилганликда айблаб, 10 йиллик қамоқ жазосига ҳукм қилди. Собиқ бош вазирга қарши яна юзга яқин суд ишлари давом этмоқда. Унга қўйилган айбловлар орасида коррупция, терроризм ва ҳатто куфрни ҳам ўз ичига олади. Хон билан бирга собиқ ташқи ишлар вазири Шоҳ Маҳмуд Қурайший ҳам 10 йилга қамалган.

Январь ойида Покистоннинг Панжоб провинциясида 19,5 мингдан ортиқ пневмония ҳолати аниқланиб, 311 бола касаллик туфайли вафот этди. Ҳукумат бунга ҳаво ифлосланиши, чанг ва совуқ об‑ҳаво сабаб бўлаётганини маълум қилди.

Покистоннинг Балужистон вилоятида 8 февраль, пайшанба куни бўлиб ўтиши режалаштирилган парламент сайловлари арафасида номзодлар кабинетлари олдида терактлар уюштирилди. Энг камида 28 киши ҳалок бўлди, 47 киши жароҳатланди.